Chandrababu Naidu: మాడ్రిడ్ వేదికగా జరిగిన ఆర్చరీ ప్రపంచకప్ స్టేజ్-4లో భారత మహిళల జట్టు అద్భుత ప్రదర్శన చేసింది. మహిళల కాంపౌండ్ టీమ్ విభాగంలో రజత పతకం (Silver Medal) సాధించిన భారత త్రయానికి ఆంధ్రప్రదేశ్ ముఖ్యమంత్రి నారా చంద్రబాబు నాయుడు హృదయపూర్వక అభినందనలు తెలియజేశారు.
జట్టులో కీలక సభ్యులైన జ్యోతి సురేఖ వెన్నం, పృథికా ప్రదీప్, చికిత తానిపర్తిలను ఆయన ప్రత్యేకంగా అభినందించారు.
‘ఎపెక్స్ 2036’ ద్వారా మరిన్ని క్రీడా రత్నాలను తీర్చిదిద్దుతాం: సీఎం చంద్రబాబు
ఈ విజయానికి సంబంధించి ముఖ్యమంత్రి చంద్రబాబు సోషల్ మీడియా వేదికగా స్పందించారు. “ఆంధ్రప్రదేశ్ గడ్డపై పుట్టిన జ్యోతి సురేఖ వెన్నం అంతర్జాతీయ క్రీడా వేదికలపై నిలకడగా రాణిస్తూ మన దేశ కీర్తిని పెంచడం ఎంతో గర్వకారణం. ఆమె మన రాష్ట్రంలోని యువ క్రీడాకారులకు ఆదర్శంగా నిలుస్తున్నారు. రాబోయే రోజుల్లో ‘ఎపెక్స్ 2036’ (APEX 2036) ప్రణాళిక ద్వారా జ్యోతి సురేఖ లాంటి మరెందరో అంతర్జాతీయ ఛాంపియన్లను ఆంధ్రప్రదేశ్ నుండి తయారు చేస్తాం. భారత జట్టు భవిష్యత్తులో మరిన్ని ఉన్నత శిఖరాలను అధిరోహించాలి” అని ఆకాంక్షించారు.
రాష్ట్ర క్రీడల శాఖ మంత్రి మండిపల్లి రాంప్రసాద్ రెడ్డి సైతం మహిళా ఆర్చరీ జట్టును కొనియాడారు. సెమీఫైనల్లో బలమైన దక్షిణ కొరియా జట్టును మట్టికరిపించి ఫైనల్కు దూసుకెళ్లడం సామాన్యమైన విషయం కాదని, ఈ రజత పతక సాధన భారత ఆర్చరీ రంగానికి కొత్త ఊపునిస్తుందని పేర్కొన్నారు.
Chandrababu Naidu: లార్డ్స్ ఆనర్స్ బోర్డుపై క్రాంతి గౌడ్.. సీఎం రేవంత్ రెడ్డి ప్రశంసలు
మరోవైపు, తెలంగాణ ముఖ్యమంత్రి ఎ. రేవంత్ రెడ్డి భారత మహిళా క్రికెటర్ క్రాంతి గౌడ్ను అభినందించారు. ఇంగ్లండ్తో జరిగిన ప్రతిష్ఠాత్మక టెస్ట్ మ్యాచ్లో ఐదు వికెట్ల ప్రదర్శన (5-Wicket Haul) చేయడం ద్వారా లార్డ్స్ క్రికెట్ గ్రౌండ్ ఆనర్స్ బోర్డ్లో చోటు సంపాదించిన మొట్టమొదటి మహిళా క్రికెటర్గా క్రాంతి గౌడ్ అరుదైన రికార్డు సృష్టించారు. ఈ చారిత్రాత్మక ఘనతతో ఆమె భారతదేశం గర్వపడేలా చేసిందని సీఎం రేవంత్ రెడ్డి ట్విట్టర్ (ఎక్స్) వేదికగా ప్రశంసలు కురిపించారు.
సీఎం రేవంత్పై వ్యాఖ్యలు..వైసీపీ నేత నాగార్జున యాదవ్ అరెస్ట్