ప్రస్తుతం భారత్ వద్ద సుమారు 190 అణు వార్‌హెడ్లు ఉన్నట్లు అంచనా వేశారు. వీటిలో 160 వార్‌హెడ్లు ఆపరేషనల్ లాంచర్ల కోసం సిద్ధంగా ఉండగా, మిగిలిన 30 కొత్త క్షిపణుల వినియోగం కోసం ఉత్పత్తి దశలో ఉన్నాయి. గాలి, నేల మరియు సముద్ర మార్గాల ద్వారా శత్రువులపైకి ప్రయోగించగల అణు వ్యవస్థలను (న్యూక్లియర్ ట్రయాడ్) భారత్ వేగంగా బలోపేతం చేస్తోంది.

Read Also: Mahabubnagar Accident: విద్యుత్ స్తంభాన్ని ఢీకొట్టిన డీసీఎం.. 200 మేకలు సజీవ దహనం

India Nuclear

ప్లుటోనియం నిల్వలు మరియు ఉత్పత్తి సామర్థ్యం

భారత్ వద్ద 2026 ప్రారంభం నాటికి సుమారు 730 కిలోల వెపన్-గ్రేడ్ ప్లుటోనియం ఉన్నట్లు వాణిజ్య ఉపగ్రహ చిత్రాలు, పబ్లిక్ డేటా విశ్లేషణల ద్వారా వెల్లడైంది. సాధారణంగా ఒక్కో అణు వార్‌హెడ్ తయారీకి 4 కిలోల ప్లుటోనియం అవసరమవుతుంది. ఈ లెక్కన భారత్ వద్ద ఉన్న నిల్వలతో 140 నుండి 225 వార్‌హెడ్లను తయారు చేసే అవకాశం ఉన్నప్పటికీ, వ్యూహాత్మక కారణాల వల్ల మొత్తం ప్లుటోనియంను ఆయుధాల తయారీకి వాడకుండా కొంత భాగాన్ని రిజర్వ్‌గా ఉంచే అవకాశం ఉందని నివేదిక పేర్కొంది.

India Nuclear : నో ఫస్ట్ యూజ్ సిద్ధాంతం మరియు వ్యూహాత్మక విధానం

అణ్వాయుధ సంపత్తిని పెంచుకుంటున్నప్పటికీ, భారత్ తన బాధ్యతాయుతమైన అణు విధానానికి కట్టుబడి ఉంది. 1998 పోఖ్రాన్-II పరీక్షల అనంతరం ప్రకటించిన ‘నో ఫస్ట్ యూజ్’ (ముందుగా ఉపయోగించకూడదు) సిద్ధాంతానికే భారత్ ఇప్పటికీ కట్టుబడి ఉన్న్ట్లు ప్రభుత్వం స్పష్టం చేసింది. ఈ అణ్వాయుధాలు కేవలం శత్రు దేశాల దాడిని నిరోధించేందుకు (డిటెరెన్స్) మాత్రమే ఉద్దేశించినవి. స్టాక్‌హోమ్‌ అంతర్జాతీయ శాంతి పరిశోధన సంస్థ (సిప్రి) నివేదిక ప్రకారం ప్రపంచవ్యాప్తంగా 9 దేశాల వద్ద కలిపి 12,000 కంటే ఎక్కువ అణు వార్‌హెడ్లు ఉన్నాయి. రష్యా: 5,420అమెరికా: 5,042 చైనా: 620 ఫ్రాన్స్: 370 యూకే: 225 భారత్: 190 పాకిస్తాన్: భారత్ కంటే తక్కువ సంఖ్యలో ఉన్నాయి ఇజ్రాయెల్: 90, ఉత్తర కొరియా: 60. సిప్రి నివేదిక ప్రకారం ప్రపంచంలో అత్యధిక రక్షణ వ్యయం చేస్తున్న దేశాల్లో భారత్ ఐదో స్థానంలో ఉంది. 2025లో భారత రక్షణ బడ్జెట్ 92.1 బిలియన్‌ డాలర్లుగా నమోదైంది, ఇది అంతకుముందు ఏడాదితో పోలిస్తే 8.9% పెరుగుదలను సూచిస్తోంది. అంతేకాకుండా, 2021-25 కాలంలో ప్రపంచవ్యాప్త రక్షణ ఆయుధ దిగుమతుల్లో భారత్ వాటా 8.2%గా ఉంది.

బ్రిక్స్ సమ్మిట్ 2026: భారత్ వేదికగా ప్రపంచ నాయకుల మహాసభ