భారత్-బంగ్లాదేశ్ క్రికెట్ సమరం: మ్యాచ్‌ల సిరీస్‌కు గ్రీన్ సిగ్నల్ వచ్చేనా?

India vs Bangladesh: ఐపీఎల్ 2026 జోరుగా సాగుతున్న వేళ, భారత్ మరియు బంగ్లాదేశ్ మధ్య క్రికెట్ సంబంధాలు మళ్లీ చిగురించే సూచనలు కనిపిస్తున్నాయి. గత ఏడాది భద్రతా కారణాలతో టీ20 ప్రపంచకప్ నుంచి తప్పుకున్న బంగ్లాదేశ్, ఇప్పుడు టీమ్ ఇండియాతో ద్వైపాక్షిక సిరీస్ ఆడేందుకు ఆసక్తి చూపుతోంది.

ద్వైపాక్షిక సిరీస్ ప్రణాళికలు

గత ఏడాది వాయిదా పడిన సిరీస్‌ను ఈ ఏడాది (2026) చివరలో నిర్వహించేందుకు ఇరు దేశాల క్రికెట్ బోర్డులు ప్రాథమిక చర్చలు జరుపుతున్నాయి. 3 వన్డేలు, 3 టీ20 మ్యాచ్‌లు.2027 ఆసియా కప్ కంటే ముందే ఈ సిరీస్ పూర్తి చేయాలని భావిస్తున్నారు.రోహిత్ శర్మ, విరాట్ కోహ్లీ వంటి సీనియర్ ఆటగాళ్లు బంగ్లాదేశ్ పర్యటనకు వెళ్లే అవకాశం ఉండటంతో అక్కడ భారీ క్రేజ్ నెలకొంది.

India vs Bangladesh 2026

India vs Bangladesh: బంగ్లాదేశ్ క్రికెట్ బోర్డు (BCB) లో మార్పులు

భారత్‌ను ప్రసన్నం చేసుకునేందుకు ఐపీఎల్ ప్రసారాలపై నిషేధాన్ని ఎత్తివేసే అవకాశం ఉంది. అయితే, గతంలో చెల్లింపుల జాప్యం కారణంగా అధికారిక ప్రసారకర్తలతో ఒప్పందాలు రద్దవ్వడం ఇప్పుడు పెద్ద సమస్యగా మారింది. నిషేధం ఎత్తివేసినా, ప్రసారం చేసేందుకు సరైన వేదిక దొరకడం సవాలుగా మారింది.

సవరించిన షెడ్యూల్ ప్రకారం, టీమ్ ఇండియా 2026 ఆగస్టు చివరిలో బంగ్లాదేశ్‌కు చేరుకునే అవకాశం ఉంది. మ్యాచ్‌లు సెప్టెంబర్ ప్రారంభంలో జరుగుతాయి. నివేదికల ప్రకారం, తొలి వన్డే సెప్టెంబర్ 1న, ఆ తర్వాత రెండో వన్డేలు సెప్టెంబర్ 3న, మూడో వన్డేలు సెప్టెంబర్ 6న జరగనున్నాయి.టీ20ఐ సిరీస్ సెప్టెంబర్ 9న ప్రారంభం కాగా, మిగిలిన మ్యాచ్‌లు సెప్టెంబర్ 12, 13 తేదీలలో జరుగుతాయి. ఈ తేదీలను ఇంకా అధికారికంగా ధృవీకరించనప్పటికీ, ఈ పర్యటన ఎలా సాగుతుందనే దానిపై ఇవి ఒక స్పష్టమైన అవగాహనను ఇస్తున్నాయి.