దీనితో ఐదు మ్యాచ్‌ల టీ20 సిరీస్ 2-2తో డ్రాగా ముగిసింది.

chaminda vaas: ఢిల్లీ క్యాపిటల్స్ ఫాస్ట్‌ బౌలింగ్ కోచ్‌ చమిందా వాస్‌.. అతడి రికార్డులు తెలుసా?

తొమ్మిది ఓవర్లకు కుదించిన మ్యాచ్

సాయంత్రం 4 గంటల నుంచి పడిన భారీ వర్షం కారణంగా మ్యాచ్ ఆలస్యంగా ప్రారంభమైంది. రాత్రి 9:15 గంటలకు ఆట ప్రారంభం కాగా, అంపైర్లు ఈ మ్యాచ్‌ను తొమ్మిది ఓవర్లకు కుదించారు. టాస్ ఓడి మొదట బ్యాటింగ్‌కు దిగిన భారత బ్యాటర్లు ఆరంభం నుంచే విండీస్ బౌలర్లపై విరుచుకుపడ్డారు.

ఇషాన్ కిషన్, నమన్ ధీర్ మెరుపు ఇన్నింగ్స్

భారత ఇన్నింగ్స్‌లో యువ బ్యాటర్లు అద్భుత ప్రదర్శన కనబరిచారు. ఓపెనర్ అభిషేక్ శర్మ (6) సిక్సర్‌తో ఖాతా తెరిచినా త్వరలోనే వెనుదిరిగాడు. ఆ తర్వాత క్రీజులోకి వచ్చిన ఇషాన్ కిషన్ (30 పరుగులు, 10 బంతుల్లో) స్టేడియం నలుమూలలా బౌండరీల వర్షం కురిపించాడు. ముఖ్యంగా రొమారియో షెపర్డ్ వేసిన ఒకే ఓవర్లో రెండు సిక్సర్లు, రెండు ఫోర్లతో ఏకంగా 24 పరుగులు పిండుకున్నాడు.

సంజూ శాంసన్ (16 పరుగులు, 7 బంతుల్లో) కూడా తనదైన షాట్లతో అలరించినా ఎక్కువసేపు క్రీజులో నిలవలేదు. కెప్టెన్ శ్రేయస్ అయ్యర్ (22) పర్వాలేనిపించాడు. చివర్లో నమన్ ధీర్ (24 నాటౌట్, 6 బంతుల్లో) కీమో పాల్ బౌలింగ్‌లో రెండు సిక్సర్లు, ఒక ఫోర్ బాది జట్టు స్కోరును పెంచాడు. దీంతో భారత్ కేవలం 7.4 ఓవర్లలోనే 5 వికెట్ల నష్టానికి 118 పరుగుల భారీ స్కోరు సాధించింది.

వర్షం అడ్డంకి.. మ్యాచ్ రద్దు

భారత ఇన్నింగ్స్ 7.4 ఓవర్ల వద్ద (రాత్రి 10.03 గంటలకు) మళ్లీ భారీ వర్షం ప్రారంభమైంది. వెస్టిండీస్ జట్టు తమ చేజింగ్ ప్రారంభించడానికి కట్-ఆఫ్ సమయం రాత్రి 10.21 గంటలుగా నిర్ణయించినప్పటికీ, వర్షం ఏమాత్రం తగ్గలేదు. దీంతో రాత్రి 10.18 గంటలకు మ్యాచ్‌ను రద్దు చేస్తున్నట్లు అంపైర్లు ప్రకటించారు.

సిరీస్‌లో రాణించిన షాయ్ హోప్

ఈ సిరీస్ అంతటా అద్భుతమైన ఫామ్ కనబరిచిన వెస్టిండీస్ కెప్టెన్ షాయ్ హోప్ నాలుగు మ్యాచ్‌లలో రెండు సెంచరీల సాయంతో మొత్తం 261 పరుగులు చేసి సిరీస్‌లో లీడింగ్ రన్ స్కోరర్‌గా నిలిచాడు. ఇరు జట్లు తమ పోరాట పటిమతో సిరీస్‌ను సమం చేసుకున్నాయి.

Epaper: epaper.vaartha.com

అనిరుధ్‌తో కావ్యా మారన్ పెళ్లి ఫిక్స్‌