భార్య భువనేశ్వరికి జన్మదిన శుభాకాంక్షలు తెలిపిన సీఎం చంద్రబాబు

Nara Bhuvaneshwari Birthday: నారా భువనేశ్వరి పుట్టినరోజు సందర్భంగా ఆమె భర్త, ఆంధ్రప్రదేశ్ ముఖ్యమంత్రి నారా చంద్రబాబు నాయుడు సామాజిక మాధ్యమాల వేదికగా హృదయపూర్వక శుభాకాంక్షలు తెలియజేశారు.

భార్యగా, తల్లిగా, విజయవంతమైన వ్యాపారవేత్తగా ఆమె పోషిస్తున్న పాత్రలను కొనియాడుతూ, తమ కుటుంబ జీవితంలో ఆమె ప్రాధాన్యతను వివరిస్తూ చంద్రబాబు పెట్టిన పోస్ట్ ప్రస్తుతం నెటిజన్లను విశేషంగా ఆకట్టుకుంటోంది.

ఈ రోజు మీకు నా హృదయపూర్వక శుభాకాంక్షలు భువనేశ్వరి. మీరు ఒక మంచి భార్యగా, తల్లిగా, వ్యాపారవేత్తగా రాణిస్తూనే.. మా జీవితాలకు వెలుగుగా నిలిచారు. మీ హుందాతనం, దయ, సమాజంలో సానుకూల ప్రభావాన్ని సృష్టించాలనే మీ నిబద్ధత లెక్కలేనంత మందికి ఎల్లప్పుడూ స్ఫూర్తినిస్తూనే ఉన్నాయి” అని ప్రశంసించారు.

Nara Bhuvaneshwari Birthday: తోడుగా సాగుతున్న ప్రయాణానికి కృతజ్ఞతలు

హెరిటేజ్ సంస్థ అధినేతగా, ఎన్టీఆర్ ట్రస్ట్ ద్వారా సామాజిక సేవా కార్యక్రమాల్లో చురుగ్గా పాల్గొనే భువనేశ్వరి వ్యక్తిత్వాన్ని చంద్రబాబు అభినందించారు. “మీరు ఎప్పుడూ కరుణతో నాయకత్వం వహిస్తారు. మీకున్న ఉదార స్వభావంతో ఇతరులను ఉన్నత స్థితికి తీసుకువెళ్తారు. మీరు చేపట్టే ప్రతి పాత్రకు ఒక అందాన్ని, సార్థకతను తీసుకువస్తారు” అని ఆయన పేర్కొన్నారు.

తమ దశాబ్దాల వైవాహిక బంధం గురించి చంద్రబాబు భావోద్వేగానికి గురయ్యారు. “మిమ్మల్ని నా జీవిత భాగస్వామిగా పొందినందుకు, మీలాంటి అద్భుతమైన వ్యక్తితో నా జీవిత ప్రయాణాన్ని పంచుకుంటున్నందుకు నేను చాలా కృతజ్ఞుడను. మీకున్న మానసిక బలానికి, మీ అపారమైన ఆప్యాయతకు మరియు మీరు ప్రతిరోజూ మా జీవితాలను ప్రకాశవంతం చేసే లెక్కలేనన్ని మార్గాలకు ప్రత్యేక ధన్యవాదాలు” అని తెలిపారు. మీకు పుట్టినరోజు శుభాకాంక్షలు. రాబోయే సంవత్సరం మీకు ఆరోగ్యంగా, అత్యంత అద్భుతంగా ఉండాలని మనస్ఫూర్తిగా కోరుకుంటున్నాను” అంటూ చంద్రబాబు తన సందేశాన్ని ముగించారు.