జగన్నాథుని అపార ఆశీస్సులతో దేశమంతా సుభిక్షంగా, సకల శాంతిసంతోషాలతో విలసిల్లాలని ఆయన ఆకాంక్షించారు. ఈ మేరకు సామాజిక మాధ్యమం ఎక్స్ (ట్విట్టర్) వేదికగా పవన్ కల్యాణ్ ఒక అద్భుతమైన భక్తిపూర్వక సందేశాన్ని పంచుకున్నారు.

Read Also : Bhogapuram Airport: నెల రోజుల్లో ప్రారంభం కానున్న భోగాపురం ఎయిర్‌పోర్ట్.. కేంద్ర మంత్రి కీలక ప్రకటన!

AP Deputy CM Pawan Kalyan: భక్తికి, ఆధ్యాత్మిక అనుబంధానికి ప్రతీక రథయాత్ర!

పవిత్రమైన ఈ రథయాత్ర అనేది కేవలం ఒక ఉత్సవం మాత్రమే కాదని.. అది సనాతన ధర్మంలోని అచంచలమైన విశ్వాసానికి, నిష్కల్మషమైన భక్తికి, అలాగే భగవంతునికి, భక్తుడికి మధ్య ఉండే శాశ్వతమైన ఆధ్యాత్మిక అనుబంధానికి నిదర్శనమని పవన్ కల్యాణ్ అభివర్ణించారు. పవిత్ర రథాలపై స్వామివారు, అమ్మవారు భక్తకోటికి దర్శనమిస్తూ ముందుకు సాగుతుండగా… ఆ జగన్నాథస్వామి, బలభద్రస్వామి, సుభద్రాదేవిల దివ్య ఆశీస్సులు ప్రతి ఒక్కరి హృదయానికి ప్రశాంతతను అందించాలని కోరుకున్నారు.

ప్రతి కుటుంబానికి మానసిక బలం, సమాజానికి సేవ

ఆ కలియుగ దైవమైన జగన్నాథుడు మనందరినీ ఎల్లప్పుడూ ధర్మమార్గంలో నడిపించి, మన ఇళ్లను సుఖసంతోషాలు, అష్టైశ్వర్యాలతో నింపాలని పవన్ కల్యాణ్ ఆకాంక్షించారు. దీనితో పాటు, సమాజానికి వినమ్రతతో, నిష్కల్మషమైన భక్తితో సేవ చేసేలా.. మనందరికీ అవసరమైన జ్ఞానాన్ని, ధైర్యాన్ని ఆ స్వామి ప్రసాదించాలని కోరారు. ఈ పవిత్రమైన రోజున జగన్నాథుని దివ్య అనుగ్రహం మన జీవితాల్లో సరికొత్త వెలుగులు నింపి, శాంతి, ఐక్యత, ఆధ్యాత్మిక బలంతో కూడిన ఒక ఉన్నతమైన భవిష్యత్తు వైపు మన సమాజాన్ని నడిపించాలని ఆయన తన సందేశంలో పేర్కొన్నారు.