Karnataka Six Killed Land Dispute: కర్ణాటకలోని విజయపుర జిల్లాలో అత్యంత కిరాతకమైన నరమేధం చోటుచేసుకుంది. ఏళ్ల తరబడి కొనసాగుతున్న ఒక భూవివాదం చివరకు ఆరుగురి ప్రాణాలను బలిగొంది.

ఒకే కుటుంబానికి చెందిన ఐదుగురితో పాటు మరో వ్యక్తిని ప్రత్యర్థులు తుపాకులతో కాల్చి, పదునైన ఆయుధాలతో నరికి దారుణంగా హత్య చేశారు. శుక్రవారం మధ్యాహ్నం చాడచన్ తాలూకాలోని గోవిందపుర గ్రామంలో ఈ ఘోరకలి జరిగింది.

Read also:Guntur GGH Suicide: ఆసుపత్రి భవనంపై నుంచి దూకి కిడ్నీ రోగి ఆత్మహత్య!

పొలంలో పనిచేస్తుండగా ఒక్కసారిగా విరుచుకుపడ్డ దుండగులు

పోలీసులు తెలిపిన వివరాల ప్రకారం.. వివాదాస్పదంగా ఉన్న వ్యవసాయ భూమిని సాగు కోసం సిద్ధం చేస్తుండగా ఈ దాడి జరిగింది. మృతులను నీరాలే కుటుంబానికి చెందిన వారిగా గుర్తించారు:

• చందు నీరాలే
• దుండప్ప నీరాలే
• శివపుత్ర నీరాలే
• రాహుల్ నీరాలే
• సమర్థ్ నీరాలే
• షబ్బీర్ నదాఫ్ (కూలీగా పనిచేస్తున్న వ్యక్తి)

బాధితులు పొలంలో పని చేసుకుంటున్న సమయంలో, పది మందికి పైగా ఉన్న సాయుధుల గుంపు పక్కా ప్రణాళిక ప్రకారం ఒక్కసారిగా వారిపై విరుచుకుపడింది. తప్పించుకునే లోపే తుపాకులతో కాలుస్తూ, వేటకొడవళ్లతో నరికి అక్కడికక్కడే ప్రాణాలు తీశారు.

Karnataka Six Killed Land Dispute: 2015 నాటి పాతకక్షలు.. మళ్లీ ముదిరిన వివాదం

ఈ భూవివాదం ఎప్పటినుంచో నడుస్తోందని, దీనికి సుదీర్ఘమైన నేరచరిత్ర ఉందని ప్రాథమిక దర్యాప్తులో తేలింది. ఇదే వివాదానికి సంబంధించి గతంలో 2015లో చాడచన్ పోలీస్ స్టేషన్‌లో ఒక హత్య కేసు కూడా నమోదైంది. అప్పటినుంచి ఇరువర్గాల మధ్య పగ చల్లారలేదు. తాజాగా నీరాలే కుటుంబ సభ్యులు మళ్లీ ఆ భూమిని సాగు చేసేందుకు ప్రయత్నించడంతో ప్రత్యర్థుల్లో కక్ష తీవ్రరూపం దాల్చి, ఈ దారుణ హత్యలకు దారితీసింది.