బిహార్ రాజకీయాల్లో నూతన అధ్యాయం: రాజ్యసభ సభ్యునిగా నీతీశ్‌ కుమార్

బిహార్ ముఖ్యమంత్రిగా సుదీర్ఘ కాలం సేవలందించిన నీతీశ్‌ కుమార్, ఇప్పుడు జాతీయ రాజకీయాల వైపు అడుగులు వేశారు. ఆయన రాజ్యసభకు వెళ్లడం బిహార్ రాజకీయాల్లో ఒక శకం ముగింపుగా విశ్లేషకులు భావిస్తున్నారు.

రాజ్యసభ ఛైర్మన్ సీపీ రాధాకృష్ణన్ సమక్షంలో నీతీశ్‌ కుమార్ హిందీలో ప్రమాణ స్వీకారం చేశారు. ఈ కార్యక్రమానికి కేంద్ర మంత్రులు మరియు వివిధ పార్టీల అగ్రనేతలు హాజరవ్వడం ఆయన రాజకీయ ప్రాధాన్యతను చాటిచెప్పింది. జేడీయూ మరియు బీజేపీ మధ్య ఉన్న బలమైన బంధానికి ఈ వేడుక ఒక వేదికగా నిలిచింది.

Nitish Kumar as a member of Rajya Sabha

Nitish Kumar as a member of Rajya Sabha: బిహార్‌ రాజధాని నుంచి దేశ రాజధానికి..

దాదాపు 20 ఏళ్ల పాటు బిహార్ ముఖ్యమంత్రిగా పాలించిన నీతీశ్‌, ఇప్పుడు కేంద్ర రాజకీయాల్లో క్రియాశీలక పాత్ర పోషించనున్నారు. జాతీయ స్థాయిలో ఎన్డీయే (NDA) కూటమిని బలోపేతం చేయడంలో ఆయన అనుభవం కీలకం కానుంది. బిహార్ సీఎంగా ఆయన ప్రస్థానం ముగియడం రాష్ట్ర రాజకీయాల్లో పెను మార్పులకు దారితీస్తోంది. నీతీశ్‌ కుమార్ రాజీనామా నేపథ్యంలో, ఏప్రిల్ 14న ఎన్డీయే కూటమి కొత్త ముఖ్యమంత్రిని ఎన్నుకోనుంది. ప్రస్తుతం ఉన్న సమాచారం ప్రకారం. బీసీ సామాజిక వర్గానికి చెందిన నాయకుడిని సీఎం పీఠంపై కూర్చోబెట్టడం ద్వారా రాబోయే ఎన్నికల్లో మైలేజ్ పొందాలని బీజేపీ భావిస్తోంది. నీతీశ్‌ కుమార్ వెళ్ళిపోవడంతో బిహార్‌లో జేడీయూ (JDU) పట్టు సడలకుండా చూడటం మరియు బీజేపీ ప్రాబల్యాన్ని పెంచుకోవడం ఇప్పుడు ఎన్డీయే ముందున్న ప్రధాన సవాల్. మరోవైపు ప్రతిపక్ష పార్టీలు కూడా ఈ మార్పును తమకు అనుకూలంగా మార్చుకునేందుకు సిద్ధమవుతున్నాయి.