ఈ మేరకు స్థానిక ఎన్నికల అధికారికి జనసేన అభ్యర్థి రేవతి అధికారికంగా ఫిర్యాదు చేయడంతో నామినేషన్ల పరిశీలన ప్రక్రియ తీవ్ర ఉత్కంఠగా మారింది.

TDP Suspends Leaders: విజయవాడలో టీడీపీకి షాక్‌.. ఏడుగురు నేతలపై సస్పెన్షన్‌ వేటు!

Jana Sena objects to Botsa Chaitanya’s nomination

Vizianagaram ZPTC Nomination: నామినేషన్‌పై జనసేన అభ్యర్థి కోట్ల రేవతి ఫిర్యాదు

పూసపాటిరేగ జెడ్పీటీసీ స్థానానికి జనసేన తరఫున పోటీ చేస్తున్న కోట్ల రేవతి, వైసీపీ అభ్యర్థి బొత్స చైతన్య నామినేషన్‌పై ఎన్నికల అధికారికి లిఖితపూర్వకంగా తన అభ్యంతరాన్ని సమర్పించారు. చైతన్య నామినేషన్ నిబంధనలకు విరుద్ధంగా ఉందంటూ ఆమె తన ఫిర్యాదు పత్రంలో పేర్కొన్నారు.

విజయనగరం మున్సిపల్ కార్పొరేషన్ పరిధిలోని 41వ వార్డులో బొత్స చైతన్యకు ఓటు హక్కు ఉందనే విషయాన్ని రేవతి ఆధారాలతో సహా గుర్తుచేశారు. ఆయన ఓటర్ ఐడీ సంఖ్య UJK1667229 అని స్పష్టం చేస్తూ, మున్సిపల్ కార్పొరేషన్ పరిధిలో ఓటరుగా ఉన్న వ్యక్తి గ్రామీణ ప్రాంతమైన పూసపాటిరేగ మండలం నుంచి జెడ్పీటీసీ అభ్యర్థిగా నామినేషన్ దాఖలు చేయడానికి అర్హత ఉందా అని ఆమె సూటిగా ప్రశ్నించారు.

నిబంధనల ప్రకారం చర్యలకు డిమాండ్

ఈ వివాదంపై ఎన్నికల అధికారులు క్షుణ్ణంగా విచారణ జరిపి, ఎన్నికల నియమావళి ప్రకారం బొత్స చైతన్య నామినేషన్‌పై తగిన చర్యలు తీసుకోవాలని రేవతి కోరారు. జనసేన సమర్పించిన ఫిర్యాదుతో బొత్స చైతన్య నామినేషన్ చెల్లుబాటు అవుతుందా లేదా అనే అంశంపై రాజకీయ వర్గాల్లో తీవ్ర చర్చ జరుగుతోంది. అధికారులు ఈ ఫిర్యాదును పరిశీలించి ఇచ్చే తుది నిర్ణయంపై ప్రస్తుతం సర్వత్రా ఉత్కంఠ నెలకొంది.

Epaper: epaper.vaartha.com

ఎన్నికల పోలింగ్‌ వేళల మార్పు.. ఆ 88 కేంద్రాల్లో 3 గంటలకే ముగింపు!