ఎన్నికల వేళ నగదు పంపిణీ ప్రయత్నం
తెలంగాణ మున్సిపల్ ఎన్నికల పోలింగ్ జరుగుతున్న వేళ జయశంకర్ భూపాలపల్లి జిల్లా భూపాలపల్లిలో ఉద్రిక్త పరిస్థితి నెలకొంది.
22వ వార్డు పోలింగ్ కేంద్రం సమీపంలో ఓ వ్యక్తి నోట్ల కట్టలు తీసుకువచ్చినట్లు సమాచారం. ఓటర్లకు డబ్బు పంచేందుకు ప్రయత్నించినట్టు పోలీసులు అనుమానిస్తున్నారు. పోలీసులు అతడిని అదుపులోకి తీసుకునే ప్రయత్నం చేయగా, భయపడిన వ్యక్తి నడిరోడ్డుపై నగదు విసిరేసి అక్కడి నుంచి పారిపోయాడు. సంఘటనతో ఆ ప్రాంతంలో కొంతసేపు ఉద్రిక్త వాతావరణం ఏర్పడింది. పోలీసులు సుమారు లక్ష రూపాయల నగదును స్వాధీనం చేసుకున్నారు. ఈ ఘటనపై విచారణ కొనసాగుతోంది.
Read also: Telangana polling live : తెలంగాణలో పోలింగ్ మొదలు, నగరాల్లో హై అలర్ట్!
A commotion of bundles of notes during polling in Bhupalapally
రాష్ట్రవ్యాప్తంగా ప్రశాంత పోలింగ్, కొన్ని చోట్ల ఘర్షణలు
రాష్ట్రవ్యాప్తంగా 7 కార్పొరేషన్లు, 116 మున్సిపాలిటీల్లో పోలింగ్ కొనసాగుతోంది. ఎక్కువ ప్రాంతాల్లో ఓటర్లు ప్రశాంతంగా తమ ఓటు హక్కును వినియోగించుకుంటున్నారు. అయితే కొన్ని చోట్ల రాజకీయ పార్టీల కార్యకర్తల మధ్య వాగ్వాదాలు చోటుచేసుకున్నాయి. మెదక్ జిల్లా నర్సాపూర్లో బీఆర్ఎస్, బీజేపీ కార్యకర్తల మధ్య ఉద్రిక్తత ఏర్పడింది. పోలీసులు తక్షణమే జోక్యం చేసుకుని పరిస్థితిని అదుపులోకి తీసుకువచ్చారు. నిర్మల్ జిల్లా ఖానాపూర్లో కూడా కార్యకర్తలు, పోలీసుల మధ్య వాగ్వాదం జరిగింది. పరిస్థితి ఉద్రిక్తంగా మారకుండా అధికారులు అప్రమత్తంగా వ్యవహరించారు.
ప్రముఖుల ఓటు వినియోగం, ప్రజలకు పిలుపు
ఎన్నికల నేపథ్యంలో పలువురు ప్రముఖులు తమ ఓటు హక్కును వినియోగించుకున్నారు. ముఖ్యమంత్రి రేవంత్ రెడ్డి కొడంగల్లో ఓటేశారు. డిప్యూటీ సీఎం భట్టి విక్రమార్క మధిరలో తన ఓటు హక్కును వినియోగించారు. నిజామాబాద్లో టీపీసీసీ చీఫ్ మహేష్ కుమార్ గౌడ్ ఓటేశారు. కేంద్ర మంత్రి బండి సంజయ్ కుమార్ కరీంనగర్లో ఓటు వేసి ప్రజాస్వామ్యంలో ప్రతి ఓటు విలువైనదని తెలిపారు. ప్రజలు తప్పకుండా ఓటు హక్కును వినియోగించాలని ఆయన పిలుపునిచ్చారు.
Read hindi news: hindi.vaartha.com
Epaper: epaper.vaartha.com
TS TET results 2026 : టీఎస్ టెట్ ఫలితాలు విడుదల, తప్పిన వేల మంది టీచర్లు!