దేశవ్యాప్తంగా 2,482 Local Bank Officer (LBO) పోస్టుల భర్తీకి చేపట్టిన నియామక ప్రక్రియకు దరఖాస్తు గడువును బ్యాంక్ పొడిగించింది. తాజా అధికారిక ప్రకటన ప్రకారం 2026 సెప్టెంబర్ 17 వరకు ఆన్‌లైన్‌లో దరఖాస్తు చేసుకోవచ్చు. దీంతో ఆసక్తి, అర్హత ఉన్న అభ్యర్థులకు ఇక మూడు రోజులు మాత్రమే సమయం ఉంది.

కేడర్‌లో రెగ్యులర్ ప్రాతిపదికన భర్తీ :

ఈ పోస్టులు Junior Management Grade/Scale-I (JMG/S-I) కేడర్‌లో రెగ్యులర్ ప్రాతిపదికన భర్తీ చేయనున్నారు. దేశవ్యాప్తంగా 20 రాష్ట్రాలు, కేంద్రపాలిత ప్రాంతాల్లో ఖాళీలు ఉన్నాయి. స్థానిక భాషలో నైపుణ్యం ఉన్న అభ్యర్థులకు ప్రాధాన్యం ఇవ్వడం ఈ నియామకంలోని ముఖ్యమైన అంశం. బ్యాంకు ప్రాంతీయంగా కస్టమర్లతో మెరుగైన కమ్యూనికేషన్ కోసం ఈ నియామకాలను చేపడుతోంది.

అర్హత విషయానికి వస్తే, గుర్తింపు పొందిన యూనివర్సిటీ నుంచి ఏదైనా విభాగంలో గ్రాడ్యుయేషన్ పూర్తి చేసి ఉండాలి. అలాగే Scheduled Commercial Bankలో అధికారిగా కనీసం ఒక సంవత్సరం పని అనుభవం ఉండాలి. అభ్యర్థుల వయస్సు సాధారణంగా 21 నుంచి 30 సంవత్సరాల మధ్య ఉండాలి. రిజర్వేషన్ నిబంధనల ప్రకారం అర్హత ఉన్న వర్గాలకు వయోపరిమితిలో సడలింపు ఉంటుంది.

ఎంపిక ప్రక్రియలో ఆన్‌లైన్ పరీక్ష, అవసరమైన ఇతర పరీక్షలు/సైకోమెట్రిక్ అసెస్‌మెంట్, ఇంటర్వ్యూ వంటి దశలు ఉంటాయి. ఎంపికైన అభ్యర్థులకు JMG/S-I పే స్కేల్ వర్తిస్తుంది. ప్రారంభ ప్రాథమిక వేతనం రూ.48,480 కాగా, స్కేల్ ప్రకారం గరిష్ఠంగా రూ.85,920 వరకు ఉంటుంది. అదనంగా బ్యాంకు నిబంధనల ప్రకారం ఇతర అలవెన్సులు లభిస్తాయి.

అర్హత ఉన్న అభ్యర్థులు చివరి తేదీ కోసం వేచి ఉండకుండా వెంటనే దరఖాస్తు పూర్తి చేయడం మంచిది. దరఖాస్తు, ఫీజు చెల్లింపు రెండూ సెప్టెంబర్ 17లోపు పూర్తి చేయాలి. అభ్యర్థులు పూర్తి నోటిఫికేషన్, రాష్ట్రాల వారీగా ఖాళీలు, భాషా అర్హతలు, ఫీజు తదితర వివరాలను అధికారిక బ్యాంక్ ఆఫ్ బరోడా కెరీర్ పోర్టల్‌లో తప్పనిసరిగా పరిశీలించాలి.

రేపు తిరుమలకు సీఎం చంద్రబాబు.. శ్రీవారికి పట్టువస్త్రాలు సమర్పణ..!