EMI గడువు దాటితే రుణదాత నిబంధనల ప్రకారం బకాయి మొత్తంపై ఆలస్య రుసుము లేదా పెనాల్ ఛార్జీలు విధించవచ్చు. RBI నిబంధనల ప్రకారం ఈ పెనాల్ ఛార్జీలను 'పెనల్ ఇంటరెస్ట్'గా అసలు వడ్డీ రేటుకు అదనంగా కలపకూడదు; వాటి కారణం, మొత్తం రుణ ఒప్పందం/కీలక వివరాల్లో స్పష్టంగా వెల్లడించాలి.

EMI చెల్లింపులో ఆలస్యం జరిగితే :

EMI చెల్లింపులో ఆలస్యం జరిగితే మరో ముఖ్యమైన ప్రభావం క్రెడిట్ స్కోర్‌పై పడుతుంది. బ్యాంకులు, NBFCలు రుణ ఖాతాలకు సంబంధించిన క్రెడిట్ సమాచారాన్ని క్రెడిట్ ఇన్ఫర్మేషన్ కంపెనీలకు నివేదిస్తాయి. RBI 2025 క్రెడిట్ ఇన్ఫర్మేషన్ రిపోర్టింగ్ నిబంధనల ప్రకారం రుణ చెల్లింపుల వివరాలు క్రెడిట్ రికార్డులో ప్రతిబింబిస్తాయి.

ఒక్క EMI ఆలస్యం అయినంత మాత్రాన వెంటనే పెద్ద చట్టపరమైన చర్యలు తీసుకుంటారని భావించాల్సిన అవసరం లేదు. కానీ వరుసగా EMIలు చెల్లించకుండా ఉంటే పరిస్థితి తీవ్రంగా మారుతుంది. రుణదాత బకాయిల వసూలు కోసం నోటీసులు, రికవరీ ప్రక్రియ చేపట్టవచ్చు. సెక్యూర్డ్ లోన్‌ విషయంలో ఒప్పందం, చట్టపరమైన నిబంధనల ప్రకారం తాకట్టు పెట్టిన ఆస్తిపై కూడా చర్యలు తీసుకునే అవకాశం ఉంటుంది.

అందుకే EMI చెల్లించలేని పరిస్థితి వస్తే బ్యాంకు లేదా రుణ సంస్థను వెంటనే సంప్రదించడం మంచిది. రీషెడ్యూలింగ్, రీపేమెంట్ ఆప్షన్లు లేదా ఇతర అందుబాటులో ఉన్న పరిష్కారాల గురించి అడగాలి. సమస్యను పట్టించుకోకుండా EMIలను వాయిదా వేయడం వల్ల భవిష్యత్తులో కొత్త రుణం పొందడం కష్టమయ్యే అవకాశం ఉంది. ముఖ్యంగా.. EMI మిస్ అయితే భయపడటం కంటే వెంటనే రుణదాతను సంప్రదించి పరిష్కారం కోరడం ఉత్తమ మార్గం.

ప్రతిచోట పోటీ చేయాల్సిందే అంటున్న జగన్