Srisailam Chenchu Free Sparsha Darshanam: ప్రసిద్ధ పుణ్యక్షేత్రమైన శ్రీశైల మహాక్షేత్రంలో బుధవారం నాడు (మే 27) చెంచు గిరిజనులకు శ్రీశైల దేవస్థానం ప్రత్యేకంగా ఉచిత స్పర్శదర్శనం భాగ్యాన్ని కల్పించింది.

శ్రీ భ్రమరాంబా మల్లికార్జున స్వామివార్ల క్షేత్రంతో చెంచు గిరిజనులకు ఉన్న శతాబ్దాల నాటి అనుబంధాన్ని గౌరవిస్తూ, ప్రతి నెలలో ఒకరోజు వారికి ఉచిత స్పర్శదర్శనం కల్పించే సాంప్రదాయాన్ని దేవస్థానం విజయవంతంగా కొనసాగిస్తోంది.

ముక్కోటి ఏకాదశి నాడు ప్రారంభమైన విశిష్ట సేవ

గత డిసెంబర్ నెలలో ముక్కోటి ఏకాదశి పర్వదినం సందర్భంగా శ్రీశైల దేవస్థానం ఈ మహత్తర కార్యక్రమానికి శ్రీకారం చుట్టింది. ఇందులో భాగంగా బుధవారం నాడు ఆలయానికి చేరుకున్న చెంచు భక్తులు శ్రీ మల్లికార్జున స్వామివారిని గర్భాలయంలో తాకి (స్పర్శదర్శనం) మొక్కులు చెల్లించుకున్నారు. అనంతరం భ్రమరాంబా దేవి అమ్మవారిని కూడా దర్శించుకుని ప్రత్యేక పూజలు నిర్వహించారు.

సంప్రదాయ నృత్యాలతో తరలివచ్చిన భక్తులు

ఈ ఉచిత స్పర్శదర్శన కార్యక్రమానికి స్థానిక శ్రీశైల పరిసర చెంచుగూడాల నుండే కాకుండా పొరుగున ఉన్న పల్నాడు జిల్లా మరియు మార్కాపురం జిల్లాల నుండి కూడా చెంచు గిరిజనులు పెద్ద సంఖ్యలో తరలివచ్చారు. చెంచు భక్తులు తమ సంప్రదాయ దుస్తులు ధరించి, తప్పెట వాయిద్యాల మోతలు మరియు చెంచు నృత్యాలతో భక్తి పారవశ్యంతో ఆలయానికి చేరుకున్నారు. వీరికి ఆలయ ఉత్తర ద్వారం వద్ద ఉన్న ఉమారామలింగేశ్వరస్వామి దేవాలయం సమీపంలో ఆలయ అధికారులు, సిబ్బంది ఘనంగా స్వాగతం పలికారు.

Srisailam Chenchu Free Sparsha Darshanam: ఐటీడీఏ సహకారంతో ఎంపిక.. అన్నప్రసాద వితరణ