చిన్నారుల కోసం నారా లోకేష్ గొప్ప నిర్ణయం

అరుదైన జన్యుపరమైన వ్యాధులతో పోరాడుతున్న చిన్నారుల ప్రాణాలు కాపాడేందుకు ఆంధ్రప్రదేశ్ ప్రభుత్వం 'ప్రాజెక్ట్ పునర్విక' కు శ్రీకారం చుట్టింది. అరుదైన జన్యు వ్యాధులతో బాధపడే చిన్నారుల పట్ల రాష్ట్ర ప్రభుత్వం అత్యంత మానవీయంగా స్పందించింది.

కర్నూలు జిల్లాకు చెందిన 11 నెలల చిన్నారి పునర్విక ప్రాణాలను కాపాడేందుకు రూ.16 కోట్ల ఖరీదైన ఇంజెక్షన్‌ను అందించిన స్ఫూర్తితో, మంత్రి నారా లోకేష్ ఈ కార్యక్రమానికి ఆమె పేరే పెట్టారు. కేవలం ఒక చిన్నారికి సహాయం చేసి ఆగిపోకుండా, రాష్ట్రవ్యాప్తంగా అరుదైన వ్యాధులతో ప్రాణాపాయ స్థితిలో ఉన్న వేలాది మంది చిన్నారులకు అండగా నిలవడమే ఈ ప్రాజెక్టు ప్రధాన లక్ష్యం. తల్లిదండ్రుల ఆర్థిక స్థోమతతో సంబంధం లేకుండా, ఖరీదైన వైద్యం ప్రతి బిడ్డకూ అందాలనే గొప్ప సంకల్పంతో ఈ బృహత్తర కార్యక్రమం ప్రారంభమైంది.

Nara Lokesh greets YS Vijayamma

ఖరీదైన చికిత్సకు శాశ్వత పరిష్కార మార్గాలు

సాధారణంగా అరుదైన జన్యు వ్యాధులకు అవసరమైన మందులు విదేశాల నుండి దిగుమతి చేసుకోవాల్సి ఉంటుంది, వీటి ధర కోట్లలో ఉంటుంది. ఈ సమస్యను అధిగమించడానికి ‘ప్రాజెక్ట్ పునర్విక’ ద్వారా ప్రభుత్వం ఒక పటిష్టమైన వ్యవస్థను నిర్మిస్తోంది. కేంద్ర ప్రభుత్వంతో సమన్వయం చేసుకుంటూ మందులపై పన్నులు తగ్గించడం, ప్రపంచవ్యాప్త ఫార్మా కంపెనీలతో చర్చలు జరిపి తక్కువ ధరకే మందులు లభించేలా చూడటం ఇందులో భాగం. అంతేకాకుండా, ఇలాంటి ఖరీదైన ఇంజెక్షన్లు మరియు మందులను స్వదేశంలోనే తయారు చేసేలా భారతీయ ఫార్మా సంస్థలను, వైద్య నిపుణులను ప్రోత్సహిస్తూ దీర్ఘకాలిక వ్యూహాన్ని మంత్రి లోకేష్ సిద్ధం చేశారు.

బాధిత కుటుంబాలకు ప్రభుత్వ అండ

తమ బిడ్డలకు అరుదైన వ్యాధి సోకిందని తెలిసినప్పుడు తల్లిదండ్రులు పడే మానసిక ఆందోళనను, ఆర్థిక భారానీ తగ్గించేందుకు ప్రభుత్వం భరోసా కల్పిస్తోంది. ఆర్థిక స్తోమత లేని కారణంగా ఏ ఒక్క చిన్నారి కూడా మృత్యువాత పడకూడదనే ఉద్దేశంతో, అవసరమైన ఆర్థిక సహాయాన్ని మరియు వైద్య సదుపాయాలను సత్వరం అందించేలా యంత్రాంగాన్ని అప్రమత్తం చేశారు. కేవలం మందులు అందించడమే కాకుండా, వ్యాధి నిర్ధారణ పరీక్షలు (Diagnostics) మరియు తదుపరి సంరక్షణ విషయంలోనూ బాధిత కుటుంబాలకు ప్రభుత్వం తోడుగా నిలవనుంది. లోకేష్ తీసుకున్న ఈ నిర్ణయం వేలాది మంది తల్లిదండ్రుల కళ్లలో వెలుగులు నింపుతోంది.