CJP : తనను బీజేపీ వర్గాలు కూడా పెద్దగా పరిగణనలోకి తీసుకోరంటూ పౌర హక్కుల సంస్థ (CJP) నేత సౌరవ్ దాస్ చేసిన వ్యాఖ్యలపై నటి, మండి లోక్సభ ఎంపీ కంగనా రనౌత్ తీవ్రస్థాయిలో ధ్వజమెత్తారు.
సోషల్ మీడియా వేదికగా ఆయన వ్యాఖ్యలను తిప్పికొట్టిన కంగన, సౌరవ్ దాస్పై తీవ్రస్థాయిలో సెటైర్లు వేశారు. “నేను గత 20 ఏళ్లుగా ప్రజా జీవితంలో ఉన్నాను. ఆయన ప్రస్తుత వయస్సులో ఉన్నప్పుడే నాకు రెండు జాతీయ చలనచిత్ర పురస్కారాలు (National Awards) వచ్చాయి. నేను కేవలం నటిని మాత్రమే కాదు.. ఒక విజన్ ఉన్న ఫిల్మ్ మేకర్ను, నిర్మాతను మరియు స్క్రీన్ రైటర్ను. ఆయనలాంటి ఏ పనీపాటా లేని వ్యక్తిని కానే కాదు” అంటూ ఘాటుగా సమాధానమిచ్చారు.
SC On Paper Leak Protests ‘స్టూడెంట్ కాదు.. యూజ్లెస్వి’: స్కిల్స్ పెంచుకోవాలని కంగనా ఉచిత సలహా!
సౌరవ్ దాస్ చేపడుతున్న కార్యకలాపాలను విమర్శిస్తూ కంగనా ఆయనకు ఒక ఉచిత సలహా ఇచ్చారు. “సౌరవ్.. నువ్వు ఏ రకంగానూ విద్యార్థివి (Student) కావు, కేవలం ఒక ‘యూజ్లెస్వి’ (ఉపయోగం లేని వ్యక్తివి). టీవీల్లో, సోషల్ మీడియాలో ఇలాంటి విమర్శలు చేస్తూ సమయం వృథా చేసుకోవడం మానేసి జీవితంలో ఏదైనా ఉపయోగపడే నైపుణ్యాన్ని (Skill) నేర్చుకో” అని ఆమె వ్యాఖ్యానించారు. ప్రజా క్షేత్రంలో సాధించిన విజయాలు, వ్యక్తిగత గుర్తింపు గురించి ప్రస్తావిస్తూ కంగనా చేసిన ఈ ఘాటు వ్యాఖ్యలు ప్రస్తుతం రాజకీయ, సినీ వర్గాల్లో తీవ్ర చర్చనీయాంశంగా మారాయి.