Festival Special Trains:దసరా, దీపావళి పండుగల వేళ ప్రయాణికుల రద్దీని తగ్గించడానికి దక్షిణ మధ్య రైల్వే SCR పండుగ ప్రత్యేక రైళ్లు పేరుతో ప్రత్యేక సేవలు అందుబాటులోకి తెచ్చింది.
సికింద్రాబాద్ – విశాఖపట్నం మార్గంలో నడిచే ట్రైన్ నంబర్ 07069 అక్టోబరు 16, 2026న రాత్రి 8:15 గంటలకు బయలుదేరి మరుసటి రోజు ఉదయం 11:00 గంటలకు విశాఖపట్నం చేరుకుంటుంది. తిరుగు ప్రయాణంలో ట్రైన్ నంబర్ 07070 అక్టోబరు 17, 2026న మధ్యాహ్నం 3:50 గంటలకు బయలుదేరి మరుసటి రోజు ఉదయం 5:30 గంటలకు సికింద్రాబాద్ వస్తుంది. ఈ రైళ్లు చర్లపల్లి, నల్గొండ, మిర్యాలగూడ, గుంటూరు, విజయవాడ, ఏలూరు, తాడేపల్లిగూడెం, రాజమండ్రి, సామర్లకోట, తుని, అనకాపల్లి, దువ్వాడ స్టేషన్లలో ఆగుతాయి. చర్లపల్లి – చెన్నై సెంట్రల్ మార్గంలో నడిచే ట్రైన్ నంబర్ 07059 అక్టోబరు 16, 2026న రాత్రి 9:30 గంటలకు బయలుదేరి మరుసటి రోజు ఉదయం 11:15 గంటలకు చెన్నై చేరుకుంటుంది. తిరుగు ప్రయాణంలో ట్రైన్ నంబర్ 07060 అక్టోబరు 17న మధ్యాహ్నం 1:00 గంటలకు బయలుదేరి అక్టోబరు 18న ఉదయం 4:30 గంటలకు చర్లపల్లి వస్తుంది. ఈ రైళ్లు నల్గొండ, మిర్యాలగూడ, గుంటూరు, తెనాలి, బాపట్ల, చీరాల, ఒంగోలు, నెల్లూరు, గూడూరు స్టేషన్లలో ప్రయాణికులకు అందుబాటులో ఉంటాయి.
Elnino crop damage: ఎల్నినో పరిహారం.. ఎకరానికి 10000 రూపాయలు
రద్దీ కష్టాలకు చెక్! చర్లపల్లి నుంచి కొత్త రైళ్లు ప్రారంభం
చర్లపల్లి – నాగర్‌కోయిల్ మార్గంలో ప్రయాణించే ట్రైన్ నంబర్ 07535 అక్టోబరు 30, 2026 నుండి నవంబరు 13, 2026 వరకు నిర్దేశిత తేదీల్లో చర్లపల్లిలో రాత్రి 7:45 గంటలకు బయలుదేరి మరుసటి రోజు రాత్రి 10:45 గంటలకు నాగర్‌కోయిల్ చేరుకుంటుంది. తిరుగు ప్రయాణంలో ట్రైన్ నంబర్ 07536 నవంబరు 01, 2026 నుండి నవంబరు 15, 2026 వరకు అర్ధరాత్రి 12:45 గంటలకు బయలుదేరి మరుసటి రోజు ఉదయం 3:45 గంటలకు చర్లపల్లి చేరుకుంటుంది. ఈ రైళ్లు నల్గొండ, మిర్యాలగూడ, నడికుడి, సత్తెనపల్లి, గుంటూరు, తెనాలి, బాపట్ల, ఒంగోలు, నెల్లూరు, గూడూరు, నాయుడుపేట, సూళ్లూరుపేట, చెన్నై ఎగ్మోర్, తాంబరం, చెంగల్పట్టు, విల్లుపురం, వృద్ధాచలం, తిరుచిరాపల్లి, దిండిగల్, మదురై, విరుద్‌నగర్, సాత్తూర్, కోవిల్‌పట్టి, తిరునెల్వేలి, వల్లియూర్ స్టేషన్లలో ఆగుతాయి. ఈ ప్రత్యేక రైళ్లలో 2 AC, 3 AC, స్లీపర్, జనరల్ సెకండ్ క్లాస్ కోచ్‌లు అందుబాటులో ఉంటాయి. దూరప్రాంతాలకు వెళ్లే ప్రయాణికులకు ఈ సర్వీసులు ఎంతో ప్రయోజనకరంగా మారనున్నాయి. ప్రయాణికులు ఐఆర్‌సిటిసి వెబ్‌సైట్ ద్వారా ముందస్తుగా బెర్తులను రిజర్వేషన్ చేసుకోవచ్చని రైల్వే అధికారులు స్పష్టం చేశారు.
Festival Special Trains:ఒక్క రోజే ఆగే ఎక్స్‌ప్రెస్ సర్వీసులు! పూర్తి షెడ్యూల్ చూడండి
మహారాష్ట్రలోని నాగ్‌పూర్‌లో అక్టోబరు 20, 2026న జరగనున్న ధమ్మ చక్ర ప్రవర్తన దివస్ వేడుకల కోసం ప్రత్యేక రైళ్లను ప్రారంభించారు. నాందేడ్ – నాగ్‌పూర్ మార్గంలో నడిచే ట్రైన్ నంబర్ 07085 అక్టోబరు 19, 2026న రాత్రి 8:00 గంటలకు బయలుదేరి మరుసటి రోజు ఉదయం 10:25 గంటలకు నాగ్‌పూర్ చేరుకుంటుంది. తిరుగు ప్రయాణంలో ట్రైన్ నంబర్ 07086 అక్టోబరు 20, 2026న రాత్రి 11:55 గంటలకు బయలుదేరి మరుసటి రోజు ఉదయం 9:00 గంటలకు నాందేడ్ వస్తుంది. ఈ రైళ్లు ముద్ఖేడ్, భోకర్, హిమాయత్‌నగర్, కిన్వట్, ఆదిలాబాద్, పింపల్‌కుటి స్టేషన్లలో ఆగుతాయి. జాల్నా – నాగ్‌పూర్ మార్గంలో నడిచే ట్రైన్ నంబర్ 07083 అక్టోబరు 19, 2026న సాయంత్రం 5:00 గంటలకు బయలుదేరి మరుసటి రోజు మధ్యాహ్నం 12:10 గంటలకు నాగ్‌పూర్ చేరుకుంటుంది. తిరుగు ప్రయాణంలో ట్రైన్ నంబర్ 07084 అక్టోబరు 21, 2026న ఉదయం 1:00 గంటలకు బయలుదేరి అదే రోజు మధ్యాహ్నం 12:00 గంటలకు జాల్నా చేరుకుంటుంది. ఈ రైలు పార్తూర్, సెలు, మన్వత్ రోడ్, పర్భని, పూర్ణ, బస్మత్, హింగోలి, వాషిమ్, అకోలా స్టేషన్లలో ఆగుతుంది.
Epaper: epaper.vaartha.com