ఢిల్లీలో అగ్నిప్రమాదం.. ప్రాణాలు కాపాడుకునేందుకు భవనం పైనుంచి కిందకు దూకిన మహిళల

Malviya Nagar Hotel Fire Accident: దేశ రాజధాని ఢిల్లీలోని మాల్వీయ నగర్‌లో హౌజ్ రాణి ప్రాంతంలో ఉన్న 'ఫ్లోరిష్ స్టే' అనే హోటల్‌లో బుధవారం ఉదయం జరిగిన అగ్నిప్రమాదంలో కనీసం 10 మంది మరణించగా, మరో 11 మంది గాయపడ్డారు.

. ఈ దుర్ఘటనలో మృతుల్లో ఎక్కువ మంది వైద్య చికిత్స కోసం విదేశాల నుంచి భారత్‌కు వచ్చిన వారే కావడం తీవ్ర విషాదాన్ని నింపింది.సమాచారం అందుకున్న అగ్నిమాపక, రెస్క్యూ సిబ్బంది ఘటనా స్థలానికి చేరుకుని భారీ ఎత్తున సహాయక చర్యలు చేపట్టారు.

Malviya Nagar Hotel Fire Accident: రెస్టారెంట్‌లో మొదలైన మంటలు.. పై అంతస్తులకు వ్యాప్తి

ఐదంతస్తుల ఈ హోటల్ భవనంలోని గ్రౌండ్ ఫ్లోర్‌లో ఉన్న రెస్టారెంట్‌లో తొలుత మంటలు చెలరేగినట్లు అధికారులు ప్రాథమికంగా నిర్ధారించారు. ఆ మంటలు క్షణాల వ్యవధిలో వేగంగా పై అంతస్తులకు వ్యాపించాయి. ప్రమాదం జరిగిన సమయంలో బాధితులంతా గాఢ నిద్రలో ఉండటంతో, మంటల నుంచి తప్పించుకునే అవకాశం లేకుండా పోయింది. ఈ హోటల్‌లో సుమారు 25 గదులు ఉండగా, ప్రమాద సమయంలో 40 మందికి పైగా బస చేస్తున్నట్లు స్థానికులు తెలిపారు. ఇరుకైన సందుల్లో భవనం ఉండటంతో అగ్నిమాపక సిబ్బంది సహాయక చర్యలకు కొంత ఆటంకం ఏర్పడింది.

Delhi Hotel Fire Accident: ప్రాణాల కోసం పైనుంచి దూకేసిన బాధితులు

ప్రమాద తీవ్రతకు అద్దం పట్టే హృదయ విదారక దృశ్యాలు సామాజిక మాధ్యమాల్లో వెలుగులోకి వచ్చాయి. దట్టమైన పొగలు, తీవ్రమైన మంటల నడుమ ప్రాణాలు కాపాడుకోవడానికి కొందరు మహిళలు భవనం పై నుంచి కిందకు దూకేశారు. ఇది గమనించిన స్థానికులు సమయస్ఫూర్తితో వ్యవహరించి, కింద పరుపులు పరిచారు. దాంతో పైనుంచి దూకిన వారు ప్రాణాలతో బయటపడగలిగారని ఎస్‌డీఎం జితేంద్ర కుమార్ తెలిపారు.

కేసు నమోదు చేసిన పోలీసులు

సమాచారం అందుకున్న వెంటనే అగ్నిమాపక సిబ్బంది, పోలీసులు ఘటనా స్థలానికి చేరుకుని సహాయక చర్యలు ముమ్మరం చేశారు. మృతుల్లో ఎక్కువ మంది విదేశీయులు ఉన్నట్లు సమాచారం. ఈ ఘోర ప్రమాదానికి గల కచ్చితమైన కారణాలు ఇంకా తెలియరాలేదని, కేసు నమోదు చేసి పూర్తిస్థాయిలో దర్యాప్తు ప్రారంభించామని పోలీసులు వెల్లడించారు.