Cjp protest: ఢిల్లీలో సీజేపీ నిరసనల నేపథ్యంలో రైళ్ల రద్దు, రవాణా ఆంక్షల అంశం తీవ్ర చర్చనీయాంశంగా మారింది. ఈ పరిణామాలపై కేంద్ర మంత్రి, ఎన్డీయే మిత్రపక్ష నేత చీరాగ్ పాశ్వాన్ స్పందిస్తూ కీలక వ్యాఖ్యలు చేశారు.
రైళ్ల రద్దు లేదా రవాణా ఆటంకాలతో భారతదేశ యువతను ఎవరూ ఆపలేరని ఆయన స్పష్టం చేశారు.
Read also: Abhijit Deepke : మోదీ ఓటమిని అంగీకరించారు: అభిజీత్ దీప్కే సంచలన వ్యాఖ్యలు
అయితే, నిరసనల పేరుతో సాధారణ ప్రజలకు ఇబ్బందులు కలిగించడం సరికాదని, సమస్యలను చర్చల ద్వారా పరిష్కరించుకోవాలని ఆయన సూచించారు. ఇదే సమయంలో ప్రతిపక్షాలు తప్పుడు ప్రచారాలు చేస్తూ రాజకీయాలు చేస్తున్నాయని మండిపడ్డారు.
ఢిల్లీలో భారీ భద్రత.. స్తంభించిన రవాణా
శనివారం సీజేపీ తలపెట్టిన నిరసనలు, ప్రతిపక్ష పార్టీల ఆందోళనల దృష్ట్యా ఢిల్లీలో పోలీసులు అత్యంత కట్టుదిట్టమైన భద్రతా ఏర్పాట్లు చేశారు. ఇందులో భాగంగా రాజధానికి వచ్చే పలు రైళ్లు, మెట్రో సేవలకు అంతరాయం కలగడంతో పాటు భారీగా భద్రతా బలగాలను మోహరించారు. ఇలా తరచూ నగరంలో రవాణా వ్యవస్థను స్తంభింపజేయడం సరైన పద్ధతి కాదని చీరాగ్ పాశ్వాన్ అభిప్రాయపడ్డారు.
యువతను ఎవరూ ఆపలేరు
ఈ సందర్భంగా ఆయన మాట్లాడుతూ… “వీరు భారతదేశ యువత. వీరిని ఎవరూ ఆపలేరు. కొందరు తప్పుడు ప్రచారాలు వ్యాప్తి చేయడానికి ప్రయత్నిస్తున్నారు. ఎన్ని రైళ్లను ఆపగలరు, ఎంత కనెక్టివిటీని నిరోధించగలరు, ఎన్ని రోడ్లను దిగ్బంధించగలరు? వారిని ఏ శక్తీ ఆపలేదు” అని అన్నారు.
రాజకీయ వర్గాల్లో తీవ్ర చర్చ
ఢిల్లీ మెట్రోలో పలు స్టేషన్లు మూసివేయడం, రైళ్లు రద్దు కావడంతో విద్యార్థులు, సాధారణ ప్రయాణికులు తీవ్ర ఇబ్బందులు పడుతున్న వేళ… కేంద్ర మంత్రి హోదాలో ఉన్న చీరాగ్ పాశ్వాన్ చేసిన ఈ వ్యాఖ్యలు రాజకీయ వర్గాల్లో ప్రాధాన్యత సంతరించుకున్నాయి.