సెప్టెంబర్ 24న ప్రపంచవ్యాప్తంగా విడుదలైన ఈ సినిమా, తొలి రోజు నుంచి మిశ్రమ స్పందన (మిక్స్ డ్ టాక్) తెచ్చుకున్నప్పటికీ బాక్సాఫీస్ వద్ద కలెక్షన్ల సునామీ సృష్టిస్తోంది. ట్రేడ్ వర్గాలను సైతం విస్మయానికి గురిచేస్తూ ఇప్పటికే ఈ చిత్రం ప్రపంచవ్యాప్తంగా రూ. 180 కోట్లకు పైగా వసూళ్లను సాధించి సంచలనం సృష్టిస్తోంది.

Read Also : Dhanush Political Entry: ధనుష్‌ కొత్త పార్టీ 'తమిళగ ఎళుచ్చి కళగం'?

Big update on the OTT streaming of 'The Paradise'!

The Paradise Movie: భాషలతో సంబంధం లేకుండా భారీ వసూళ్లు

తెలుగు రాష్ట్రాల్లోనే కాకుండా ఇతర భాషల్లోనూ, ఓవర్సీస్ మార్కెట్‌లోనూ 'ది ప్యారడైజ్' రికార్డు స్థాయి కలెక్షన్లు రాబడుతోంది. ఇప్పటికీ పలు ప్రాంతాల్లో థియేటర్లు హౌస్‌ఫుల్ కలెక్షన్లతో కళకళలాడుతున్నాయి. ఈ సినిమాలో నాని సరసన కయాదు లోహర్ కథానాయికగా నటించగా, ‘శికంజా మాలిక్’ అనే కరడుగట్టిన విలన్ పాత్రలో కలెక్షన్ కింగ్ మోహన్ బాబు జీవించారు. వీరితో పాటు రాఘవ్ జుయేల్, సంపూర్ణేష్‌, ప్రియదర్శి, సోనాలి కులకర్ణి కీలక పాత్రల్లో మెరిశారు.

నవంబర్‌లో ఓటీటీ స్ట్రీమింగ్?

ఈ సినిమా థియేట్రికల్ రన్ అద్భుతంగా సాగుతుండటంతో, థియేటర్లలో చూడటం మిస్సయిన సినీ ప్రియులు ఓటీటీ విడుదల కోసం ఆసక్తిగా ఎదురుచూస్తున్నారు. ఈ చిత్రం డిజిటల్ హక్కులను ఒక ప్రముఖ ఓటీటీ సంస్థ భారీ ధర చెల్లించి సొంతం చేసుకుంది. ఒప్పందం ప్రకారం థియేటర్లలో విడుదలైన 6 నుంచి 8 వారాల తర్వాతే డిజిటల్ ప్లాట్‌ఫామ్‌లోకి తీసుకురావాల్సి ఉంది. ఈ లెక్కన నవంబర్ మొదటి వారం లేదా రెండో వారంలో 'ది ప్యారడైజ్' ఓటీటీలో స్ట్రీమింగ్ అయ్యే అవకాశాలు స్పష్టంగా కనిపిస్తున్నాయి.

ఓటీటీ వెర్షన్‌లో స్పెషల్ ఎట్రాక్షన్: కట్ చేసిన పాట యాడ్!

థియేట్రికల్ రన్‌టైమ్ ఎక్కువ కావడం వల్ల తప్పనిసరి పరిస్థితుల్లో థియేటర్లలో ‘దేశం’ అనే పవర్‌ఫుల్ సాంగ్‌ను తొలగించాల్సి వచ్చింది. అయితే, సిల్వర్ స్క్రీన్‌పై మిస్సయిన ఆ గూస్‌బంప్స్ పాటను డిజిటల్ (ఓటీటీ) వెర్షన్‌లో జోడించబోతున్నట్లు దర్శకుడు శ్రీకాంత్ ఓదెల స్వయంగా వెల్లడించారు. అదనపు పాటతో రాబోతున్న ఓటీటీ వెర్షన్ డిజిటల్ ప్లాట్‌ఫామ్‌పై సరికొత్త రికార్డులు సృష్టించడం ఖాయంగా కనిపిస్తోంది.

ఓటీటీలోకి 'మారెమ్మ' స్ట్రీమింగ్ ఎప్పుడంటే?