అయితే, ప్రభుత్వం మరియు ప్రజాప్రతినిధులు మూడు కీలక షరతులను నెరవేరిస్తేనే సోమవారం నాడు తన ఫాస్టింగ్‌ను ముగిస్తానని ఆయన స్పష్టం చేశారు. జులై 18న జంతర్ మంతర్ నిరసన స్థలి నుండి పోలీసులు ఆయనను బలవంతంగా ఢిల్లీలోని సఫ్దర్‌జంగ్ ఆసుపత్రికి తరలించిన సంగతి తెలిసిందే.

ఆసుపత్రిలో అక్రమ నిర్బంధం.. లేఖ ద్వారా ఆరోపణలు

ఆసుపత్రిలో చికిత్స పొందుతున్న సోనమ్ వాంగ్‌చుక్.. సోషల్ మీడియా ప్లాట్‌ఫారమ్ ‘ఎక్స్’ (గతంలో ట్విట్టర్) ద్వారా తన మద్దతుదారుల కోసం ఒక హ్యాండ్‌రిటన్ (చేతిరాత) లేఖను పంచుకున్నారు. వైద్యం అందిస్తున్నామనే నెపంతో ఆసుపత్రిలోనే తనను చట్టవిరుద్ధంగా నిర్బంధించారని ఆయన ఆరోపించారు. తన నిరాహార దీక్ష ఎప్పుడు ముగుస్తుందని ఎదురుచూస్తున్న అభిమానుల కోసం ఆయన మూడు ప్రధాన నిబంధనలను తెరపైకి తెచ్చారు.

Sonam Wangchuk: వాంగ్‌చుక్ విధించిన 3 నిబంధనలు ఇవే:

• దేశంలో ఇటీవల జరిగిన విద్యావ్యవస్థ వైఫల్యాలు, పరీక్షల పేపర్ లీకేజీలకు కేంద్ర ప్రభుత్వం పూర్తి బాధ్యత వహించాలి.
• తాను కాక్రోజ్ జనతా పార్టీ (సీజేపీ) నాయకత్వంతో కలిసి పార్లమెంట్‌కు చేరుకున్నప్పుడు.. ఎంపీలు, వివిధ పార్టీల నేతలు ఈ విద్యా సంస్కరణల సమస్యను పార్లమెంట్‌లో కచ్చితంగా లేవనెత్తుతామని హామీ ఇవ్వాలి.
• ఒకవేళ తన ఆరోగ్యం క్షీణించడం వల్ల లేదా ఇతర అనివార్య కారణాల వల్ల తాను స్వయంగా పార్లమెంట్‌కు వెళ్లలేకపోతే.. రాజకీయ పార్టీల నేతలు, ఎంపీలు ఆసుపత్రికే వచ్చి ఈ అంశాన్ని ప్రస్తుత పార్లమెంట్ సమావేశాల్లో ప్రస్తావిస్తామని భరోసా ఇవ్వాలి.

తాను కేవలం నోటి మాటల ఆధారంగా కాకుండా, లిఖితపూర్వక లేదా స్పష్టమైన హామీల లభించిన తర్వాతే ఈ దీక్షను ముగిస్తానని వాంగ్‌చుక్ స్పష్టం చేశారు. పేపర్ లీకేజీల వల్ల దేశంలోని కోట్ల మంది విద్యార్థుల భవిష్యత్తు అంధకారమవుతోందని, దీనిపై పార్లమెంట్ లోపల, బయట పోరాటం సాగాల్సిందేనని ఆయన పిలుపునిచ్చారు.

Epaper: epaper.vaartha.com

ఇథనాల్ పెట్రోల్‌పై సీనియర్ నటుడు నరేశ్ కీలక వ్యాఖ్యలు