అయితే ఈ ప్రాజెక్టుకు ఆమోదముద్ర వేసిన కేంద్ర రైల్వే బోర్డు, తెలంగాణ రాష్ట్ర ప్రభుత్వానికి ఒక కీలక షరతు విధించింది. ఈ లైన్ నిర్మాణానికి అయ్యే మొత్తం వ్యయంలో రాష్ట్ర ప్రభుత్వం కూడా తన వంతు వాటాను భరించాలని స్పష్టం చేస్తూ ప్రభుత్వం లేఖ రాసింది. ఈ రైల్వే లైన్ అందుబాటులోకి వస్తే దక్షిణ తెలంగాణలోని ఉమ్మడి ఖమ్మం, నల్గొండ మరియు మహబూబ్‌నగర్ జిల్లాల మధ్య రవాణా సౌకర్యాలు మెరుగుపడటమే కాకుండా, ప్రాంతీయ పురోగతికి ఎంతగానో ఉపయోగపడనుంది.

Read Also :IRCTC Diwali Special Trains: దీపావళి రైలు టికెట్ల బుకింగ్ షురూ.. నేటి నుంచే అడ్వాన్స్ రిజర్వేషన్లు!

Dornakal Gadwal Railway Line: రూట్ అలైన్‌మెంట్ మార్పులు & ప్రాజెక్టు ముఖ్యాంశాలు

• ప్రాజెక్టు అంచనా వ్యయం: 308.28 కిలోమీటర్ల పొడవునా నిర్మించనున్న ఈ నూతన రైల్వే లైన్ నిర్మాణం కోసం రూ. 8,993.77 కోట్లు ఖర్చవుతుందని రైల్వే శాఖ అంచనా వేసింది.
• పెరిగిన దూరం: గతంలో ఈ మార్గం పొడవు 296 కిలోమీటర్లుగా ప్రతిపాదించారు. అయితే భూసేకరణ సమస్యలను అధిగమించేందుకు రాష్ట్ర ప్రభుత్వం ఇచ్చిన సూచనల ఆధారంగా అలైన్‌మెంట్‌లో మార్పులు చేయడంతో దూరం 308.28 కిలోమీటర్లకు పెరిగింది.
• డీపీఆర్ విశ్లేషణ: ఈ ప్రాజెక్టుకు సంబంధించి సవివర ప్రాజెక్టు నివేదికను (DPR) ఈ ఏడాది మార్చి 31న సమర్పించగా, దానిపై రైల్వే బోర్డు ఆదాయ మార్గాలు, నిర్వహణ వ్యయంపై సమగ్రంగా విశ్లేషించి ఆమోదించింది.
• రాష్ట్ర ప్రభుత్వ నిర్ణయమే కీలకం: రైల్వే శాఖతో పాటు రాష్ట్ర ప్రభుత్వం కూడా భాగస్వామ్యం కావాలని తేల్చిచెప్పడంతో, ఇప్పుడు ఈ ప్రాజెక్టు ముందుకు సాగడం తెలంగాణ ప్రభుత్వం నిధుల కేటాయింపుపైనే ఆధారపడి ఉంది.
• మరో ప్రాజెక్టు పెండింగ్: ఇదే ప్రాంతానికి చెందిన మరో కీలక ప్రతిపాదన డోర్నకల్ - మిర్యాలగూడ రైల్వే లైన్ డీపీఆర్ ఇంకా రైల్వే బోర్డు వద్ద పెండింగ్‌లోనే ఉండటం గమనార్హం.

మెట్రోలో మోదీ సందడి.. చిన్నారులతో సరదాగా ముచ్చట్లు