సాంకేతిక ఆధారిత రికవరీ టూల్స్, యాప్‌లపై ఆర్బీఐ ఒక స్పష్టమైన నిబంధనావళిని తీసుకురావడం దేశంలో ఇదే తొలిసారి. రుణగ్రహీతల వ్యక్తిగత స్వేచ్ఛ, డేటా ప్రైవసీని కాపాడుతూ విడుదల చేసిన ఈ కొత్త నిబంధనలు జనవరి 1, 2027 నుండి అధికారికంగా అమలులోకి రానున్నాయి.

Read Also :Google Maps AI Features: గూగుల్ మ్యాప్స్‌లోకి మైండ్ బ్లాకింగ్ 'ఏఐ' ఫీచర్లు!

RBI కొత్త రిమోట్ డివైజ్ లాకింగ్ మార్గదర్శకాలు - ముఖ్యాంశాలు

1. ఫైనాన్స్ చేసిన డివైజ్‌లకు మాత్రమే వర్తింపు:ఏదైనా ఇతర పర్సనల్ లోన్ లేదా క్యాష్ లోన్ కోసం రుణగ్రహీత వాడుతున్న వేరే మొబైల్‌ను లాక్ చేయడానికి వీల్లేదు. కేవలం సదరు ఫోన్/డివైజ్ కొనుగోలుకు మాత్రమే రుణం తీసుకున్న సందర్భాల్లోనే ఈ సాంకేతికతను ఉపయోగించాలి.
2. 30 రోజుల కనీస వ్యవధి - దశలవారీ లాకింగ్:ఈఎంఐ (EMI) ఒక్క రోజు మిస్ అయిన వెంటనే డివైజ్‌ను లాక్ చేయడానికి వీల్లేదు. లోన్ అకౌంట్ బకాయి పడి కనీసం 30 రోజులు దాటిన తర్వాతే పరిమిత నియంత్రణలు ప్రారంభించాలి.
3. 60 రోజుల తర్వాతే పూర్తి లాక్:రుణగ్రహీతకు అదనపు సమయం ఇచ్చేందుకు, డివైజ్ యొక్క పూర్తి స్థాయి లాక్‌ను 60 రోజుల బకాయి పూర్తయిన తర్వాత మాత్రమే అమలు చేయాల్సి ఉంటుంది.
4. లాక్ చేసినా అందుబాటులో ఉండాల్సిన అత్యవసర సేవలు:ఫోన్ లాక్ చేసినప్పటికీ, రుణగ్రహీతకు క్రింది సేవలు నిరంతరాయంగా అందాలి:
   • ఇన్‌కమింగ్ కాల్స్ (Incoming Calls) & ఎస్‌ఎంఎస్‌లు (SMS).
   • అత్యవసర సహాయం కోసం SOS కమ్యూనికేషన్.
   • ఉద్యోగం/ఉపాధికి సంబంధించిన అత్యవసర ఫీచర్లు.
5. వ్యక్తిగత డేటా రక్షణ (Data Privacy):రికవరీ యాప్‌లు రుణగ్రహీతల కాంటాక్ట్ లిస్ట్‌లు, ఫోటోలు, వీడియోలు, కాల్ లాగ్‌లు, ఎస్‌ఎంఎస్‌లు మరియు లొకేషన్ హిస్టరీని సేకరించడం లేదా దుర్వినియోగం చేయడంపై ఆర్‌బీఐ కఠిన నిషేధం విధించింది.
6. ముందస్తు సమాచారం తప్పనిసరి:లోన్ మంజూరు చేసే సమయంలోనే ఈ నిబంధనలను విస్పష్టంగా తెలియజేయాలి. అలాగే డివైజ్ నియంత్రణ విధించే ముందు అభ్యర్థికి స్పష్టమైన ముందస్తు నోటీసు ఇవ్వాలి.
7. 1 గంటలోపు అన్‌లాకింగ్ - లేదంటే గంటకు ₹250 పరిహారం:బాకీ మొత్తం చెల్లించిన 1 గంటలోపు డివైజ్‌ను ఆటోమేటిక్‌గా అన్‌లాక్ చేయాలి. ఒకవేళ నిర్ణీత సమయంలోగా ఆంక్షలు తొలగించకపోతే, బ్యాంకులు/రుణ సంస్థలు రుణగ్రహీతకు ఆలస్యమైన ప్రతి గంటకూ రూ. 250 చొప్పున పరిహారం (గరిష్టంగా బాకీ ఉన్న రుణ మొత్తానికి సమానంగా) చెల్లించాల్సి ఉంటుంది.

రైతులకు కేంద్రం బంపర్ ఆఫర్.. కేసీసీ లోన్ పెంపు