NH 65 Expansion Project ద్వారా హైదరాబాద్ సమీపంలోని ఆందోల్ మైసమ్మ ఆలయం నుంచి విజయవాడ మీదుగా మచిలీపట్నం వరకు విస్తరణ పనులు చేపడతారు. మొత్తం 285 కిలోమీటర్ల మేర రహదారిని రూ.12,073.99 కోట్ల భారీ బడ్జెట్‌తో అభివృద్ధి చేయనున్నారు. ఈ ప్రాజెక్ట్ వల్ల ప్రయాణ సమయం తగ్గడంతో పాటు రోడ్డు ప్రమాదాలు కూడా చాలా వరకు అదుపులోకి వస్తాయి. గుజరాత్‌లో జరిగిన చింతన్ శివిర్ సదస్సులో తెలంగాణ మంత్రి కోమటిరెడ్డి వెంకటరెడ్డి కేంద్ర మంత్రి నితిన్ గడ్కరీని కలిసి ఈ రహదారి ప్రాజెక్ట్ ప్రాధాన్యతను వివరించారు. దానికి సానుకూలంగా స్పందించిన కేంద్రం త్వరలోనే పనులకు శ్రీకారం చుట్టనుంది. 2030 నాటికి నిర్మాణ పనులన్నీ పూర్తి చేసి ఈ కొత్త కారిడార్‌ను అందుబాటులోకి తీసుకురావాలని అధికారులు లక్ష్యంగా పెట్టుకున్నారు.

El Niño Effect : ఎల్నినో ను లెక్కచేయని తెలంగాణ రైతులు

Green signal for NH-65 expansion

మూడు విభాగాలుగా రోడ్డు నిర్మాణ పనుల నిర్వహణ

మొత్తం రహదారి విస్తరణను మూడు ప్యాకేజీలుగా విభజించి పనులు పూర్తి చేయనున్నారు. మొదటి ప్యాకేజీలో హైదరాబాద్ నుంచి నందిగామ వరకు 181.30 కిలోమీటర్ల రోడ్డును రూ.6,792.52 కోట్లతో విస్తరిస్తారు. రెండో ప్యాకేజీలో నందిగామ నుంచి విజయవాడ వరకు 45 కిలోమీటర్ల మార్గాన్ని రూ.2,965.11 కోట్లతో రూపుదిద్దుతారు. ఈ రెండు ప్యాకేజీలను బిల్ట్ ఆపరేట్ ట్రాన్స్‌ఫర్ పద్ధతిలో నిర్వహిస్తారు. ఇక మూడో ప్యాకేజీలో విజయవాడ నుంచి మచిలీపట్నం వరకు 59.695 కిలోమీటర్ల దూరాన్ని రూ.806.77 కోట్లతో హైబ్రిడ్ యాన్యుటీ మోడ్‌లో చేపడతారు. భూసేకరణ నిర్మాణ వ్యయం కలిపి సగటున కిలోమీటర్‌కు రూ.38 కోట్లు ఖర్చు అవుతుందని భావిస్తున్నారు. యాదాద్రి భువనగిరి నల్లగొండ సూర్యాపేట ఎన్టీఆర్ కృష్ణా జిల్లాల మీదుగా ఈ విస్తరణ సాగుతుంది. తెలంగాణలో 213.33 హెక్టార్లు ఆంధ్రప్రదేశ్‌లో 6.50 హెక్టార్ల ప్రైవేట్ భూమి మాత్రమే కొత్తగా సేకరించాల్సి ఉంది.

NH 65 Expansion Project:అత్యుత్తమ సాంకేతికతతో సురక్షితమైన హైస్పీడ్ కారిడార్

ఈ హైస్పీడ్ రహదారిపై ప్రయాణికుల భద్రతకు అగ్రతాంబూలం ఇస్తున్నారు. ప్రధాన 6 వరుసల రహదారికి ఇరువైపులా రక్షణ గోడలు అదనంగా 2 సర్వీసు రోడ్లు ఏర్పాటు చేస్తారు. స్థానిక వాహనాలు నేరుగా ప్రధాన రోడ్డుపైకి రాకుండా ప్రతి 15 నుంచి 18 కిలోమీటర్లకు మాత్రమే ప్రత్యేక మార్గాలు కేటాయిస్తారు. ఔటర్ రింగ్ రోడ్ తరహాలోనే ప్రయాణించిన దూరానికి మాత్రమే డిజిటల్ పద్ధతిలో రుసుము వసూలు చేసే ఆటోమేటిక్ టోల్ విధానం వస్తుంది. ముఖ్యమైన పట్టణాలు మున్సిపాలిటీల వద్ద బైపాస్ రోడ్లు నిర్మించడం ద్వారా ట్రాఫిక్ సమస్యలు శాశ్వతంగా తీరుతాయి. నిత్యం లక్షలాది వాహనాలు తిరిగే ఈ రహదారిపై జీరో ఫెటాలిటీస్ లక్ష్యంతో ప్రమాదాలను సగానికి పైగా తగ్గించాలని ప్లాన్ చేస్తున్నారు. ఈ ఆధునిక రోడ్డు అందుబాటులోకి వస్తే రెండు రాష్ట్రాల మధ్య రవాణా వ్యవస్థ కొత్త పుంతలు తొక్కుతుంది.

Epaper: epaper.vaartha.com

శుభవార్త.. ఫీజు రీయింబర్స్‌మెంట్ నిధులు విడుదల