మొత్తం 31 మంది ముఖ్యమంత్రుల ఎన్నికల అఫిడవిట్ల ఆధారంగా ఈ విశ్లేషణ చేపట్టగా, దేశవ్యాప్తంగా ఉన్న సీఎంల మొత్తం ఆస్తుల విలువ రూ.8,660 కోట్లుగా తేలింది.

అగ్రశ్రేణి సంపన్న ముఖ్యమంత్రులుగా దక్షిణాది నేతలు

ఈ నివేదిక ప్రకారం అత్యధిక ఆస్తులు కలిగిన టాప్-3 ముఖ్యమంత్రులుగా దక్షిణాది రాష్ట్రాల నేతలే నిలవడం విశేషం.

• కర్ణాటక ముఖ్యమంత్రి డీకే శివకుమార్ రూ.1,413 కోట్ల ఆస్తులతో దేశంలోనే ప్రథమ స్థానంలో ఉన్నారు.
• ఆంధ్రప్రదేశ్ ముఖ్యమంత్రి చంద్రబాబు నాయుడు రూ.931 కోట్ల ఆస్తులతో ద్వితీయ స్థానం దక్కించుకున్నారు.
• తమిళనాడు ముఖ్యమంత్రి విజయ్ రూ.648 కోట్ల ఆస్తులతో మూడో స్థానంలో నిలిచారు.
• ఇక తెలంగాణ ముఖ్యమంత్రి రేవంత్ రెడ్డి రూ.30 కోట్లకు పైగా ఆస్తులతో ఈ జాబితాలో 8వ స్థానాన్ని కైవసం చేసుకున్నారు.

క్రిమినల్ కేసుల్లో తెలంగాణ సీఎం రేవంత్ రెడ్డి అగ్రస్థానం

ముఖ్యమంత్రులపై నమోదైన క్రిమినల్ కేసుల వివరాలను కూడా ADR తన నివేదికలో స్పష్టం చేసింది. పరిశీలించిన 31 మంది సీఎంలలో దాదాపు 14 మందిపై క్రిమినల్ కేసులు ఉండటం గమనార్హం.

• తెలంగాణ సీఎం రేవంత్ రెడ్డి తనపై ఉన్న ఏకంగా 80 కేసులతో దేశంలోనే మొదటి స్థానంలో నిలిచారు.
• పశ్చిమ బెంగాల్ సీఎం సువేందు అధికారి 29 కేసులతో రెండో స్థానంలో ఉన్నారు.
• కర్ణాటక సీఎం డీకే శివకుమార్ 19 కేసులతో తర్వాతి స్థానంలో నిలవగా, ఆంధ్రప్రదేశ్ సీఎం చంద్రబాబు నాయుడు కూడా 19 కేసులతో నాలుగో స్థానంలో కొనసాగుతున్నారు.

అత్యల్ప ఆస్తులు కలిగిన ముఖ్యమంత్రిగా ఒమర్ అబ్దుల్లా

కోట్ల రూపాయల ఆస్తులున్న నేతలు ఒకవైపు ఉంటే, అత్యంత సామాన్యమైన ఆర్థిక నేపథ్యం కలిగిన నాయకులు కూడా ఈ జాబితాలో ఉన్నారు. జమ్మూకశ్మీర్ ముఖ్యమంత్రి ఒమర్ అబ్దుల్లా కేవలం రూ.55 లక్షల ఆస్తులతో దేశంలోనే అత్యల్ప సంపద కలిగిన సీఎంగా నిలిచారు. ప్రజా ప్రతినిధుల ఆర్థిక పురోగతి, వారిపై పెండింగ్‌లో ఉన్న కేసుల వివరాలు దేశ రాజకీయ విశ్లేషకుల్లో తీవ్ర చర్చకు దారితీస్తున్నాయి.

హైడ్రా కమిషనర్ రంగనాథ్ తొలగింపు అంశంపై కవిత కీలక వ్యాఖ్యలు