ఏపీలో కొత్త పథకం: విద్యార్థుల ఇంటికే డ్రై రేషన్

Dry Ration Scheme: సాధారణంగా పాఠశాలల్లో మధ్యాహ్న భోజన పథకం ద్వారా విద్యార్థులకు పౌష్టికాహారం అందుతుంది. అయితే, వేసవి సెలవుల కారణంగా విద్యాసంస్థలు మూతపడటంతో విద్యార్థులు పౌష్టికాహారానికి దూరం కాకూడదనే ఉద్దేశంతో ప్రభుత్వం ఈ కొత్త నిర్ణయం తీసుకుంది.

‘డ్రై రేషన్’ పథకంలో భాగంగా విద్యార్థుల ఇంటి వద్దకే వెళ్లి రేషన్ కిట్లను అధికారులు అందజేయనున్నారు. రాష్ట్ర చరిత్రలో ఇలాంటి వినూత్న కార్యక్రమాన్ని అమలు చేయడం ఇదే మొదటిసారి.

Rations to be delivered to students’ homes even during holidays-Government issues key directives to officials.

51 కరువు మండలాల్లో అమలవుతున్న పథకం

ఈ పథకం రాష్ట్రవ్యాప్తంగా కాకుండా, ప్రస్తుతం గుర్తించిన 51 కరువు మండలాల్లోని విద్యార్థులకు మాత్రమే వర్తిస్తుంది. ప్రకాశం, కడప, కర్నూలు, నంద్యాల, అనంతపురం, మరియు శ్రీసత్యసాయి జిల్లాల్లోని కరువు ప్రాంతాల్లో ఉన్న ప్రభుత్వ పాఠశాలల విద్యార్థులు దీని ద్వారా ప్రయోజనం పొందుతారు. 1వ తరగతి నుంచి 9వ తరగతి వరకు చదువుతున్న విద్యార్థులందరికీ ఈ డ్రై రేషన్ కిట్లు అందుతాయి.

Dry Ration Scheme: డ్రై రేషన్ కిట్‌లో ఉండే వస్తువులు ఇవే:

ప్రభుత్వం అందిస్తున్న ఈ కిట్‌లో విద్యార్థుల వయస్సును బట్టి పోషకాలతో కూడిన వస్తువులను చేర్చారు.

కోడిగుడ్లు: ప్రతి విద్యార్థికి 35 కోడిగుడ్లు.
చిక్కీలు: 21 పోషక విలువలు గల చిక్కీలు.
సన్న బియ్యం: 1 నుంచి 5వ తరగతి పిల్లలకు 5 కిలోలు, 6 నుంచి 9వ తరగతి వారికి 6 కిలోల చొప్పున పంపిణీ చేస్తారు.

పారదర్శక పంపిణీ.. ఆధార్ ఓటీపీ తప్పనిసరి

ఈ పథకం అమలులో ఎటువంటి అక్రమాలు జరగకుండా ప్రభుత్వం కట్టుదిట్టమైన చర్యలు చేపట్టింది. విద్యార్థులు లేదా వారి తల్లిదండ్రుల ఆధార్ ఓటీపీ (OTP) వెరిఫికేషన్ ద్వారానే ఈ కిట్లను అందజేస్తారు. పంపిణీ పూర్తయిన తర్వాత వివరాలను వెంటనే ప్రత్యేక యాప్‌లో నమోదు చేస్తారు. హెడ్ మాస్టర్లు మరియు మండల విద్యాశాఖాధికారులు (MEO) ఈ పంపిణీ ప్రక్రియను నిరంతరం పర్యవేక్షిస్తారు.