ప్రధానంగా తెలుగు గంగ ప్రాజెక్టు కింద కృష్ణా జలాల సరఫరాలో ఏర్పడిన లోటు, ఏపీ ప్రభుత్వం నిర్మించతలపెట్టిన డ్యామ్‌లు, నదుల అనుసంధానం వంటి అంశాలు ఈ భేటీలో ప్రధాన ఎజెండాగా మారనున్నాయి.

Read Also : CJP On Delhi Protest : ఇది డిక్టేటర్‌షిప్‌'.. మోదీ సర్కార్‌పై అభిజీత్ దీప్కే తీవ్రవిమర్శలు!

Tamil Nadu CM Vijay’s visit to AP… Here is the agenda.

Tamil Nadu CM Vijay: చర్చనీయాంశంగా నీటి కొరత

ఒప్పందం ప్రకారం.. ఆంధ్రప్రదేశ్ ప్రభుత్వం ఏటా 12 టీఎంసీల కృష్ణా జలాలను రాష్ట్ర సరిహద్దు వద్ద తమిళనాడుకు అందించాల్సి ఉంది. అయితే, ప్రస్తుత ఏడాది అక్టోబర్ 9 నాటికి కేవలం 2.251 టీఎంసీల నీరు మాత్రమే అందింది. ఒప్పందం ప్రకారం రావాల్సిన నీటికి, ఇప్పటివరకు అందిన నీటికి మధ్య దాదాపు 9.749 టీఎంసీల భారీ వ్యత్యాసం ఉంది. ఈ నీటి కొరత అంశాన్ని తమిళనాడు ప్రభుత్వం తీవ్రంగా పరిగణిస్తోంది. ఈ ఏడాదిలో మిగిలిన కాలానికి తమిళనాడు నీటి అవసరాలను సమీక్షించి, సరఫరాను గాడిన పెట్టేందుకు ఈ సమావేశం అత్యంత కీలకంగా నిలవనుంది.

ప్రతిపాదిత డ్యామ్‌ల నిర్మాణంపై తమిళనాడు ఆందోళన

కృష్ణా జలాల వాటాతో పాటు, తమిళనాడులోకి ప్రవహించే నదులపై ఆంధ్రప్రదేశ్ ప్రభుత్వం కొత్తగా డ్యామ్‌లను నిర్మించేందుకు చేస్తున్న కసరత్తుపై కూడా సీఎం విజయ్ అభ్యంతరాలు వ్యక్తం చేసే అవకాశం ఉంది. ఈ డ్యామ్‌ల నిర్మాణం పూర్తయితే దిగువ రాష్ట్రమైన తమకు సాగు, తాగునీటి లభ్యతపై తీవ్ర ప్రభావం పడుతుందని తమిళనాడు భావిస్తోంది. ఈ నేపథ్యంలో ప్రతిపాదిత డ్యామ్‌ల నిర్మాణం, నదుల అనుసంధానంపై ఇరు రాష్ట్రాల ముఖ్యమంత్రులు ఎలాంటి నిర్ణయాలు తీసుకుంటారనేది ఆసక్తికరంగా మారింది.

పవన్ కల్యాణ్, మంత్రులతో భేటీ

ఈ పర్యటనలో భాగంగా తమిళనాడు సీఎం విజయ్ కేవలం చంద్రబాబుతోనే కాకుండా, ఆంధ్రప్రదేశ్ డిప్యూటీ సీఎం పవన్ కల్యాణ్‌తో పాటు పలువురు మంత్రులతో కూడా సమావేశం కానున్నట్లు సమాచారం. ఇరు రాష్ట్రాల రాజకీయ, అధికారిక నాయకత్వాల మధ్య ప్రత్యక్ష చర్చల ద్వారా దీర్ఘకాలిక జల వివాదాలకు ఒక శాశ్వత పరిష్కారం కనుగొనాలని తమిళనాడు ప్రభుత్వం భావిస్తోంది. ఈ ఉన్నత స్థాయి సమావేశం ముగిసిన తర్వాత వెలువడే నిర్ణయాలు రెండు రాష్ట్రాల మధ్య సత్సంబంధాలకు పునాది వేస్తాయని రాజకీయ విశ్లేషకులు భావిస్తున్నారు.

CJP నిరసనకారులను పోలీసులు అడ్డుకోవడంతో ఢిల్లీలో భారీ ట్రాఫిక్