ముంబయి నుంచి ఢిల్లీ విమానాశ్రయానికి చేరుకున్న ఆయనను విమానంలోనే అదుపులోకి తీసుకున్నారని తెలిపింది. దీప్కేతో పాటు సౌరవ్ దాస్, అశుతోష్ రంకాలను కూడా పోలీసులు అదుపులోకి తీసుకున్నట్లు పేర్కొంది. ఈ పరిణామాలపై స్పందించిన అభిజీత్ దీప్కే.. ప్రధాని నరేంద్ర మోదీ నేతృత్వంలోని ప్రభుత్వం నియంతృత్వ ధోరణితో వ్యవహరిస్తోందని తీవ్ర విమర్శలు చేశారు. శాంతియుతంగా నిరసన తెలిపే హక్కును ప్రభుత్వం అడ్డుకుంటోందని సీజేపీ ఆరోపించింది.

cgp protest: ఢిల్లీలో నిరసనలు.. రైళ్ల రద్దుపై కేంద్ర మంత్రి చీరాగ్ పాశ్వాన్ కీలక వ్యాఖ్యలు

CJP On Delhi Protest

ఢిల్లీ విమానాశ్రయంలో సీజేపీ నేతల నిర్బంధం

సీజేపీ నిరసనల్లో పాల్గొనేందుకు ఢిల్లీకి చేరుకున్న తమ నేతలను పోలీసులు ముందస్తుగా అదుపులోకి తీసుకున్నారని ఆ పార్టీ ఆరోపించింది. ముంబయి నుంచి వచ్చిన అభిజీత్ దీప్కేను విమానంలోనే అదుపులోకి తీసుకున్నట్లు తెలిపింది. ఈ ఘటనకు సంబంధించిన వీడియోను సైతం సామాజిక మాధ్యమాల్లో పంచుకుంది. ఆ వీడియోలో అభిజీత్ దీప్కే పోలీసులతో మాట్లాడుతూ.. తాము అరెస్టు కావడానికి సిద్ధంగా ఉన్నామని, తమను అరెస్టు చేయాలని చెప్పినట్లు కనిపిస్తోంది. దీప్కేతో పాటు సౌరవ్ దాస్, అశుతోష్ రంకాలను కూడా అదుపులోకి తీసుకున్నట్లు పార్టీ పేర్కొంది. తమ నాయకులను జంతర్‌మంతర్ వద్దకు వెళ్లనివ్వకుండా ముందస్తు ప్రణాళికతోనే ఈ చర్యలు చేపట్టారని సీజేపీ ఆరోపించింది. తనను అదుపులోకి తీసుకున్న ఘటనపై అభిజీత్ దీప్కే తీవ్రంగా స్పందించారు. ప్రధాని మోదీ ప్రభుత్వం నియంతృత్వ ధోరణితో వ్యవహరిస్తోందని విమర్శించారు. యువత నిరసనలకు ప్రభుత్వం ఇంతగా భయపడాల్సిన అవసరం ఏముందని ప్రశ్నించారు. జెన్‌ జీ (Gen Z) యువత ఆందోళనల పట్ల ప్రభుత్వం అనుసరిస్తున్న వైఖరిని ఆయన తప్పుబట్టారు. నిరసనకారులను అడ్డుకోవడం, నాయకులను అదుపులోకి తీసుకోవడం ప్రజాస్వామ్య విలువలకు విరుద్ధమని సీజేపీ నేతలు అభిప్రాయపడ్డారు.

సీజేపీ లీగల్ హెడ్ రత్నా సింగ్‌ కూడా నిర్బంధంలో?

సీజేపీ లీగల్ హెడ్ రత్నా సింగ్‌ను కూడా ఢిల్లీ పోలీసులు నిర్బంధించినట్లు పార్టీ వెల్లడించింది. ఈ విషయాన్ని ఆమె సామాజిక మాధ్యమాల్లో చేసిన పోస్టు ద్వారా తెలియజేసినట్లు పేర్కొంది. ఉదయం పోలీసులు తన ఇంటి వద్దకు వచ్చారని, తనను నిర్బంధించాలనే ఆదేశాలు ఉన్నాయని చెప్పారని రత్నా సింగ్ వెల్లడించినట్లు కథనంలో పేర్కొన్నారు. అనంతరం బయటకు వెళ్లకుండా ఇంట్లోనే అడ్డుకున్నారని, తనను చట్టవిరుద్ధంగా నిర్బంధించారని ఆమె ఆరోపించారు. ఈ పరిణామాలపై సీజేపీ తీవ్ర అభ్యంతరం వ్యక్తం చేసింది. తమ నేతలను నిర్బంధించడం పౌర హక్కుల ఉల్లంఘనగా అభివర్ణిస్తూ, అదుపులోకి తీసుకున్న ముగ్గురు నేతలను తక్షణమే విడుదల చేయాలని డిమాండ్ చేసింది. ముంబయిలో మీడియాతో మాట్లాడిన అభిజీత్ దీప్కే.. భారత రాజ్యాంగంలోని ఆర్టికల్ 19 ప్రకారం ప్రజాస్వామ్య పద్ధతిలో తమ అభిప్రాయాలను వ్యక్తం చేసే హక్కు ఉందని పేర్కొన్నారు. శాంతియుతంగా నిరసన తెలిపే హక్కును ఎవరూ అడ్డుకోకూడదని అన్నారు. ఢిల్లీలో రైళ్లు, మెట్రో సేవలను నిలిపివేయాల్సిన అవసరం ఏమొచ్చిందని ఆయన ప్రశ్నించారు.