ఎర్రవల్లి పరిధిలోని 325 సర్వే నంబర్‌లో ఉన్న మొత్తం 388 ఎకరాల విస్తీర్ణంలో భూ సరిహద్దులను సరిచూసేందుకు రెవెన్యూ అధికారులు, సర్వేయర్లు క్షేత్రస్థాయి పరిశీలన చేపట్టారు. రికార్డుల ప్రకారం ప్రతి ఎకరా సరిహద్దును డిజిటల్ పద్ధతిలో నమోదు చేసేందుకు ఈ సర్వే ప్రారంభమైంది. అధికారులు సర్వే వేగవంతం చేసిన తరుణంలో పొరుగున ఉన్న వెంకటాపూర్ గ్రామస్థులు అక్కడికి చేరుకుని అధికారులను నిలదీశారు. సర్వే నిర్వహిస్తున్న 388 ఎకరాల్లో ఏకంగా 180 ఎకరాలు తమ గ్రామానికి (వెంకటాపూర్) చెందిన భూములేనని గ్రామస్థులు స్పష్టం చేశారు. కేవలం 250 ఎకరాలు మాత్రమే ఎర్రవల్లి గ్రామానికి చెందిన భూమి అని, తమ గ్రామ సరిహద్దుల్లోని రైతుల భూములను కూడా ఈ సర్వే నంబర్‌ పరిధిలోకి కలిపేశారని ఆరోపించారు.

CM Revanth : రాజీనామాకు సిద్ధమా? రేవంత్, మంత్రులకు హరీష్ రావు సవాల్

Erravalli farmhouse lands

Erravalli farmhouse lands : రైతుల ఆగ్రహం & న్యాయం కోసం డిమాండ్

తమ పూర్వీకుల నుంచి వస్తున్న భూములను ఇతర గ్రామం రికార్డుల్లో లేదా ఫామ్‌హౌస్ పరిధిలో కలిపి చూపించడంపై వెంకటాపూర్ రైతులు తీవ్ర ఆగ్రహం వ్యక్తం చేస్తున్నారు.రెండు గ్రామాల సరిహద్దు మ్యాప్‌లను (Boundary Maps), పాత పహాణీలను క్షుణ్ణంగా పరిశీలించిన తర్వాతే సరిహద్దులు నిర్ధారించాలని కోరారు. తమ భూములకు సంబంధించి సర్వేలో స్పష్టత ఇచ్చి, తమకు తగిన న్యాయం జరిగేలా చూడాలని అధికారులను వెంకటాపూర్ గ్రామస్థులు గట్టిగా డిమాండ్ చేస్తున్నారు.

సింగరేణి కార్మికులకు ఇళ్ల పట్టాలు: మంత్రి పొంగులేటి