జానకి శనివారం మైసూర్ లోని అపోలో ఆసుపత్రిలో చికిత్స పొందుతూ తుదిశ్వాస విడిచారు. గత కొంతకాలంగా వృద్ధాప్య సమస్యలతో బాధపడుతున్న ఆమె మరణం కోట్లాది మంది సంగీత అభిమానులను తీవ్ర శోకసముద్రంలో ముంచేసింది.

ప్రగాఢ సానుభూతి తెలిపిన ముఖ్యమంత్రి:

ఎస్. జానకి గారి మరణవార్త తెలుసుకున్న తెలంగాణ ముఖ్యమంత్రి రేవంత్ రెడ్డి తీవ్ర దిగ్భ్రాంతిని వ్యక్తం చేశారు. బహుభాషా కోవిదురాలైన ఆమె, తాను తెలుగు గడ్డపై జన్మించినందుకు ఎప్పుడూ గర్వపడేవారని సీఎం గుర్తుచేసుకున్నారు. ఆమె మరణం చిత్ర పరిశ్రమకు, ముఖ్యంగా సంగీత లోకానికి ఎప్పటికీ పూడ్చలేని లోటని సీఎం కార్యాలయం (CMO) ఒక ప్రకటనలో పేర్కొంది.

S Janaki Passes Away: సంగీత సామ్రాజ్యంలో చెరగని ముద్ర:

వెండితెరపై పాత్రల భావోద్వేగాలకు అనుగుణంగా తన గళంతో నవరసాలను పలికించడంలో జానకమ్మ దిట్ట అని ముఖ్యమంత్రి కొనియాడారు. సినిమా సన్నివేశాల తీవ్రతను శ్రోతలకు చేర్చడంలో ఆమె పాడిన పాటలు ఎప్పటికీ అజరామరంగా నిలిచిపోతాయన్నారు.

తెలుగు, తమిళం, కన్నడ, మలయాళంతో పాటు హిందీ సహా సుమారు 17 భాషల్లో 50 వేలకంటే ఎక్కువ పాటలు పాడి, ఎన్నో జాతీయ అవార్డులను ఆమె సొంతం చేసుకున్నారని సీఎం ఈ సందర్భంగా స్మరించుకున్నారు. జానకి గారి పవిత్ర ఆత్మకు శాంతి చేకూరాలని ప్రార్థిస్తూ, ఆమె కుటుంబ సభ్యులకు తన ప్రగాఢ సానుభూతిని తెలియజేశారు.

'జన నాయగన్'కు సెన్సార్ గ్రీన్ సిగ్నల్.. రిలీజ్‌పై విజయ్ అధికారిక ప్రకటన