ప్రముఖ ప్రొఫెషనల్ నెట్‌వర్కింగ్ ప్లాట్‌ఫామ్ ‘లింక్డ్‌ఇన్’ (LinkedIn) విడుదల చేసిన నివేదిక ప్రకారం.. దేశంలో వేగంగా పురోగమిస్తున్న టాప్ 10 నాన్-మెట్రో నగరాల్లో విశాఖపట్నంతో పాటు విజయవాడ, రాంచీ, నాసిక్, రాయ్‌పూర్, రాజ్‌కోట్, గ్వాలియర్, ఆగ్రా, జమ్మూ, వారణాసి స్థానం సంపాదించుకున్నాయి. ప్రస్తుతం విశాఖపట్నంలో జరుగుతున్న ఆర్థిక, పారిశ్రామిక అభివృద్ధిని విశ్లేషిస్తే.. ఒకప్పటి ముంబై, బెంగళూరు నగరాల శ్రేయోభివృద్ధి శైలి (Growth Trajectory) ఇక్కడ స్పష్టంగా ప్రతిబింబిస్తోందని నిపుణులు కొనియాడుతున్నారు.

విశాఖ, విజయవాడల్లో ఇంజినీరింగ్ సెక్టార్‌దే హవా!

ఈ నివేదికలోని ముఖ్యాంశాల ప్రకారం.. ప్రాంతీయంగా లభిస్తున్న ఉద్యోగ అవకాశాల స్వభావంలో స్పష్టమైన వ్యత్యాసాలు కనిపిస్తున్నాయి. ముఖ్యంగా ఆంధ్రప్రదేశ్‌లోని విశాఖపట్నం, విజయవాడ నగరాల్లో ‘ఇంజినీరింగ్, సాంకేతిక (IT) రంగాలలో’ ఉద్యోగావకాశాలు విపరీతంగా పెరుగుతుండగా, మిగిలిన నాన్-మెట్రో నగరాల్లో బిజినెస్ డెవలప్‌మెంట్, మేనేజ్‌మెంట్ విభాగాల్లో ఎక్కువ అవకాశాలు లభిస్తున్నాయి. విశాఖపట్నం కేవలం పర్యాటక రంగంలోనే కాకుండా, ఐటీ, సాఫ్ట్‌వేర్ ఉత్పత్తులు, ఇంజినీరింగ్ సేవల్లో గ్లోబల్ హబ్‌గా మారుతోంది. స్థానిక యువతకు సొంత రాష్ట్రంలోనే మెరుగైన జీతాలతో కూడిన ఐటీ, ఇంజినీరింగ్ కొలువులు లభించడం ద్వారా ఈ ప్రాంత ఆర్థిక ముఖచిత్రం వేగంగా మారుతోంది.

ధర్మేంద్ర ప్రధాన్ రాజీనామా కోరుతూ బంద్‌కు పిలుపునిచ్చిన విద్యార్థి సంఘాలు