ఈ దుర్ఘటనలో నలుగురు పైలట్లు ప్రాణాలు కోల్పోయారు. మనీలా నగరానికి దక్షిణ దిశలో ఉన్న ఫెర్నాండో ఎయిర్ బేస్ (వైమానిక స్థావరం) పరిధిలో ఈ ఘటన జరిగింది. ఈ విషయాన్ని ఫిలిప్పీన్స్ వైమానిక దళ అధికారులు శనివారం అధికారికంగా ధ్రువీకరించారు.

ఎస్‌ఎఫ్‌-260 విమానాల గ్రౌండింగ్ మరియు దర్యాప్తు

ప్రమాదానికి గురైనవి ఎస్‌ఎఫ్‌-260 (SF-260) సింగిల్ ప్రొపెల్లర్ శిక్షణ విమానాలుగా గుర్తించారు. రొటీన్ వైమానిక విన్యాసాల్లో (ట్రైనింగ్ డ్రిల్స్) పాల్గొంటున్న తరుణంలో ఈ రెండు జెట్‌లు గాల్లోనే ఢీకొన్నట్లు వీడియో ఫుటేజ్ ద్వారా స్పష్టమవుతోంది. ఢీకొన్న వెంటనే కంట్రోల్ కోల్పోయి వేగంగా కిందకు పడిపోయాయి. అయితే ఈ దుర్ఘటనకు గల కచ్చితమైన కారణాలు ఇంకా వెల్లడి కాలేదు.

వైమానిక స్థావరం ప్రాంగణంలోనే ఈ ప్రమాదం జరగడంతో బయటి వారికి ఎలాంటి ప్రాణనష్టం వాటిల్లలేదని అధికారులు తెలిపారు. ఈ ఘటనపై సమగ్ర విచారణకు ఆదేశించామని ఫిలిప్పీన్స్ ఎయిర్‌ఫోర్స్ ప్రతినిధి కల్నల్ అల్విన్ కాపింగుయాన్ వెల్లడించారు. భద్రతా చర్యల్లో భాగంగా తదుపరి ఆదేశాలు వచ్చే వరకు అన్ని ఎస్‌ఎఫ్‌-260 రకపు విమానాల వినియోగాన్ని తాత్కాలికంగా నిలిపివేస్తున్నట్లు (గ్రౌండింగ్) ప్రకటించారు.

Philippines Plane Crash: సైనిక విమాన ప్రమాదాలపై పెరుగుతున్న ఆందోళనలు

ఫిలిప్పీన్స్‌లో మిలిటరీ విమానాలు కూలిపోవడం ఇటీవల కాలంలో పునరావృతమవుతుండటం ఆందోళన కలిగిస్తోంది. ఈ ఏడాది మే నెలలో ఉత్తర ఫిలిప్పీన్స్‌లోని బెంగ్వెట్ ప్రావిన్స్‌లో జరిగిన ఇలాంటి శిక్షణ విమాన ప్రమాదంలో ఇద్దరు సైనిక పైలట్లు ప్రాణాలు కోల్పోయారు. అలాగే 2023లో కూడా ఎస్‌ఎఫ్‌-260 విమానమే కూలిపోవడంతో మరో ఇద్దరు పైలట్లు మృత్యువాత పడ్డారు. వరుసగా ఇలాంటి ఘటనలు పునరావృతం అవుతుండటంతో సైనిక విమానాల శిక్షణా భద్రతపై తీవ్ర విమర్శలు, ఆందోళనలు వ్యక్తమవుతున్నాయి.

ఇరాన్ పై మేం మళ్లీ దాడి చేయొచ్చు - ట్రంప్