ప్రపంచ దేశాలకు చమురు సరఫరాలో ప్రధాన భూమిక పోషించే ఈ మార్గంపై ఇరాన్ పెట్టిన ఆంక్షలు ఇప్పుడు ప్రపంచవ్యాప్తంగా చర్చనీయాంశంగా మారాయి.

వాణిజ్య నౌకలకే అనుమతి – సైనిక నౌకలపై నిషేధం

ఇరాన్ తాజాగా విధించిన నిబంధనల ప్రకారం.. హార్ముజ్ జలసంధి గుండా కేవలం వాణిజ్య నౌకలు (Commercial Vessels) మాత్రమే ప్రయాణించేందుకు అనుమతి ఉంటుంది. ముఖ్యంగా అంతర్జాతీయ వాణిజ్యం మరియు చమురు రవాణాకు ఆటంకం కలగకూడదన్న ఉద్దేశంతో ఈ నిర్ణయం తీసుకున్నట్లు కనిపిస్తోంది. అయితే, విదేశీ సైనిక నౌకల (Military Ships) ప్రవేశంపై ఇరాన్ పూర్తిస్థాయి నిషేధం విధించింది. దీనివల్ల ఈ ప్రాంతంలో సైనిక ఉద్రిక్తతలు పెరిగే అవకాశం ఉంది, ముఖ్యంగా ఇరాన్ గల్ఫ్ ప్రాంతంలో తమ పట్టును బిగించే ప్రయత్నం చేస్తోంది.

Read Also :Delimitation Bill : వీగిపోయిన బిల్లు.. కేంద్రం నెక్స్ట్ ఏంచేయబోతుంది ?

నిర్దేశించిన మార్గం.. సైనిక సమన్వయం తప్పనిసరి

రెండవ నిబంధనగా, హార్ముజ్ జలసంధిలో ప్రయాణించే ప్రతి నౌక కూడా ఇరాన్ స్వయంగా నిర్దేశించిన నిర్దిష్ట మార్గాల్లోనే వెళ్లాల్సి ఉంటుంది. ఈ మార్గాలను దాటి ఇతర ప్రాంతాల్లోకి ప్రవేశిస్తే చర్యలు తప్పవని హెచ్చరించింది. వీటికి తోడు, అత్యంత కీలకమైన మూడవ షరతు ఏమిటంటే.. ఈ మార్గంలో ప్రయాణించే ముందు ప్రతి షిప్ కూడా ఇరాన్ మిలిటరీతో ముందుగానే సమన్వయం (Co-ordinate) చేసుకోవాలి. ఇరాన్ రక్షణ దళాల అనుమతి మరియు పర్యవేక్షణ తర్వాతే రాకపోకలు జరగాలని స్పష్టం చేసింది.

ప్రపంచ మార్కెట్‌పై ప్రభావం

ఇరాన్ విధించిన ఈ మూడు కండిషన్లు ప్రపంచ ఆర్థిక వ్యవస్థపై, ముఖ్యంగా చమురు ధరలపై తీవ్ర ప్రభావం చూపే అవకాశం ఉంది. ఈ జలసంధి గుండానే ప్రపంచవ్యాప్తంగా వినియోగించే చమురులో దాదాపు 20 శాతం రవాణా అవుతుంది. ఇరాన్ పెట్టిన ఈ కండిషన్ల వల్ల నౌకల రాకపోకల్లో జాప్యం జరిగే అవకాశం ఉండటంతో, బులియన్ మార్కెట్ మరియు స్టాక్ మార్కెట్లు కూడా ఈ పరిణామాలను నిశితంగా గమనిస్తున్నాయి. ఈ ఆంక్షలను అమెరికా వంటి దేశాలు ఎలా స్పందిస్తాయన్నది ఇప్పుడు ఆసక్తికరంగా మారింది.

Read Also hindi news: hindi.vaartha.com

Read Also Epaper : epaper.vaartha.com

Read Also :

కుదుపుల్లేని ప్రయాణం.. ఏఐ (AI) తో పటిష్ట భద్రత!