Uppal Ring Road: ఉప్పల్ నుంచి నారపల్లి వరకు జరుగుతున్న ఎలివేటెడ్ కారిడార్ ఫ్లైఓవర్ పనులు వేగవంతం అయ్యాయి. పిల్లర్ల నిర్మాణ పనుల కారణంగా సోమవారం నుంచి మూడు నెలల పాటు ఉప్పల్ రింగ్ రోడ్ మార్గాన్ని అధికారులు మూసివేశారు.

వరంగల్ నుంచి హైదరాబాద్ వచ్చే వాహనదారులు ఈ విషయాన్ని గమనించి సహకరించాలని కోరారు.

Read also: IPL 2026 Tickets Scam: SRH vs RCB మ్యాచ్ టికెట్ల పేరిట కొత్త సైబర్ దందా.. సీపీ సజ్జనార్ హెచ్చరిక!

Uppal Flyover Construction Traffic Diversion

Uppal Ring Road: మళ్లించిన వాహన మార్గాలు

వరంగల్ దిశ నుంచి నగరంలోకి వచ్చే వాహనాల కోసం అధికారులు కొత్త రూట్ మ్యాప్ సిద్ధం చేశారు. మెహెఫిల్ హోటల్ వద్ద వాహనాలను దారి మళ్లించి, ఉప్పల్ భగాయత్ మీదుగా నాగోల్ సర్వీస్ రోడ్డుకు పంపిస్తున్నారు. అక్కడి నుంచి ఫ్లైఓవర్ కింద యూటర్న్ తీసుకుని వాహనదారులు తమ గమ్యస్థానాలకు చేరుకోవాల్సి ఉంటుంది.

ప్రయాణికులు తీసుకోవాల్సిన జాగ్రత్తలు

సుదీర్ఘ కాలం పాటు ఈ ఆంక్షలు అమలులో ఉంటాయి కాబట్టి ప్రయాణికులు ముందస్తుగా ప్లాన్ చేసుకోవడం మంచిది. ఉప్పల్ జంక్షన్ వద్ద రద్దీ పెరగకుండా ఉండేందుకు పోలీసులు తగిన ఏర్పాట్లు చేశారు. ట్రాఫిక్ ఇబ్బందులు కలగకుండా ఉండేందుకు వాహనదారులు సిబ్బంది సూచనలు పాటిస్తూ ప్రత్యామ్నాయ మార్గాల్లో వెళ్లడం ఉత్తమం.