ఉక్కపోతతో ఇబ్బంది పడుతున్న నగరవాసులకు ఈ వర్షం కాస్త ఉపశమనాన్ని ఇచ్చినప్పటికీ, రోడ్లపై ప్రయాణించే వారికి కొన్ని ఇబ్బందులు మొదలయ్యాయి. ముఖ్యంగా నగరంలోని ప్రముఖ ఐటీ కారిడార్ పరిధిలో వర్ష ప్రభావం ఎక్కువగా కనిపిస్తోంది. హైటెక్ సిటీ, మాదాపూర్, రాయదుర్గం, దుర్గం చెరువు, బోరబండ తదితర ప్రాంతాల్లో మోస్తరు నుంచి మంచి వర్షం కురుస్తోంది. ఆఫీసుల నుంచి ఇళ్లకు వెళ్లే సమయం కావడంతో ఐటీ ఉద్యోగులు, వాహనదారులు అప్రమత్తమయ్యారు.

Read Also : MLA Yennam Srinivas Reddy: NTR డిగ్రీ కళాశాల అదనపు తరగతి గదులకు ఎమ్మెల్యే శంకుస్థాపన

Rain has started in Hyderabad; traffic jam alert for Hitech City and Madhapur!

Hyderabad Rains: రానున్న గంటల్లో మరింత విస్తరించే అవకాశం

హైదరాబాద్ వాతావరణ కేంద్రం తెలిపిన వివరాల ప్రకారం.. రానున్న గంటల్లో నగరంలోని మరిన్ని ప్రాంతాలకు ఈ వర్షాలు విస్తరించే అవకాశముంది. నగరంతో పాటు తెలంగాణలోని పలు జిల్లాల్లో కూడా రాబోయే కొన్ని గంటల్లో మోస్తరు నుండి భారీ వర్షాలు కురిసే సూచనలు ఉన్నాయని అధికారులు వెల్లడించారు. అకస్మాత్తుగా కురుస్తున్న ఈ వర్షాల కారణంగా రోడ్లపై నీరు చేరే అవకాశం ఉన్నందున ప్రజలు, ముఖ్యంగా ద్విచక్ర వాహనదారులు అత్యంత అప్రమత్తంగా ఉండాలని ట్రాఫిక్ , మున్సిపల్ అధికారులు సూచించారు. లోతట్టు ప్రాంతాల ప్రజలు జాగ్రత్తగా ఉండాలని, అత్యవసరమైతే తప్ప బయటకు రాకపోవడం మంచిదని తెలిపారు. మ్యాన్‌హోల్స్, తెరిచి ఉన్న డ్రైనేజీల పట్ల జాగ్రత్త వహించాలని హెచ్చరించారు.

శంషాబాద్‌లో తీవ్ర ఉద్రిక్తత.. పోలీసులపై తిరగబడ్డ రైతులు!