Hyderabad Water Scarcity: నగరంలో తాగునీటిని నిర్లక్ష్యంగా వృథా చేసే వారిపై జలమండలి కొరడా ఝుళిపించింది. బంజారాహిల్స్‌లోని రోడ్డు నంబర్ 12లో గల 'ఆరెంజ్ ట్రీ ఫర్నీచర్' దుకాణం వద్ద తాగునీటిని ఇతర అవసరాలకు వినియోగిస్తూ వృథా చేసినందుకు గాను అధికారులు సదరు వ్యక్తికి రూ.

10 వేల భారీ జరిమానా (Fine) విధించారు. తాగునీటి పైపుతో దుకాణ ప్రాంగణాన్ని (కంపౌండ్) విచ్చలవిడిగా కడుగుతున్న దృశ్యం జలమండలి అధికారుల తనిఖీల్లో రెడ్ హ్యాండెడ్‌గా దొరికిపోవడంతో ఈ తక్షణ చర్యలు తీసుకున్నారు.

Read Also :Hydra seizes lands in Kokapet: కోకాపేటలో హైడ్రా రూ. 4,117 కోట్ల విలువైన భూములు స్వాధీనం

Rs 10,000 Fine Imposed for Wasting Drinking Water in Banjara Hills

స్వయంగా రంగంలోకి దిగిన జలమండలి ఎండీ

ఈ ఘటన సమయంలో జలమండలి మేనేజింగ్ డైరెక్టర్ (MD) అశోక్ రెడ్డి స్వయంగా క్షేత్రస్థాయి పరిశీలనలో ఉన్నారు. మంచినీటిని అంతలా వృథా చేస్తున్న వ్యక్తిని స్వయంగా ఆయనే గుర్తించి, అక్కడికక్కడే రూ. 10,000 పెనాల్టీ విధిస్తూ ఆదేశాలు జారీ చేశారు. వేసవి తీవ్రత దృష్ట్యా నగరంలో ప్రతి నీటి బొట్టు ఎంతో విలువైనదని, ఇలాంటి బాధ్యతారాహిత్య పనులను అస్సలు సహించేది లేదని ఎండీ ఈ సందర్భంగా స్పష్టం చేశారు.

Hyderabad Water Scarcity: నగర ప్రజలకు జలమండలి తీవ్ర హెచ్చరికలు

ఈ ఉదంతం నేపథ్యంలో భాగ్యనగర ప్రజలకు జలమండలి అధికారులు తీవ్ర హెచ్చరికలు జారీ చేశారు. పైప్‌లైన్ల ద్వారా సరఫరా అయ్యే తాగునీటిని కేవలం తాగడానికి, అత్యవసర గృహ అవసరాలకు మాత్రమే వినియోగించాలని సూచించారు. తాగునీటితో రోడ్లు ఊడ్చడం, ఇళ్ల ముందర కడగడం, కార్లు మరియు ఇతర వాహనాలను వాష్ చేయడం వంటి పనులు పూర్తిగా నిషిద్ధమని స్పష్టం చేశారు. నీటి వృథాను అరికట్టడంలో నగర ప్రజలంతా భాగస్వాములు కావాలని, నిబంధనలు అతిక్రమించి నీటిని దుర్వినియోగం చేస్తే ఇకపై జరిమానాలతో పాటు చట్టపరమైన చర్యలు కూడా తప్పవని జలమండలి హెచ్చరించింది.