హర్మూజ్ జలసంధిపై IRGC పట్టు: 'కొత్త ఆర్డర్' పేరుతో కఠిన నిబంధనలు

హర్మూజ్ జలసంధిని పూర్తిగా తెరుస్తున్నట్లు ఇరాన్ పౌర ప్రభుత్వం ప్రకటించినప్పటికీ, క్షేత్రస్థాయిలో భద్రతా బాధ్యతలు చూసే IRGC నేవీ విభాగం తనదైన శైలిలో నిబంధనలను విధించింది.

అంతర్జాతీయ నౌకాయానంపై ఇరాన్ తన పట్టును నిరూపించుకునే ప్రయత్నంగా దీనిని విశ్లేషకులు భావిస్తున్నారు. హర్మూజ్ జలసంధి గుండా ప్రయాణించే ప్రతి నౌక-అది ఏ దేశానికి చెందినదైనా సరే-తప్పనిసరిగా ఇరాన్ రివల్యూషనరీ గార్డ్స్ (IRGC) అనుమతి తీసుకోవాలని స్పష్టం చేసింది. ఈ అనుమతి లేకుండా లోపలికి ప్రవేశించే నౌకలపై చర్యలు తీసుకునే అవకాశం ఉందని హెచ్చరించింది.

Strait of Hormuz

Strait of Hormuz: నిర్దేశిత మార్గాల్లోనే ప్రయాణం (The New Order)

దీనిని ‘కొత్త ఆర్డర్’ (New Order) గా అభివర్ణించిన IRGC, పౌర మరియు వాణిజ్య నౌకలు యథేచ్ఛగా ప్రయాణించడానికి వీల్లేదని తెలిపింది. తాము కేటాయించిన నిర్దేశిత మార్గాల్లోనే రాకపోకలు సాగించాలని పేర్కొంది. ఇది భద్రతా కారణాల దృష్ట్యా మరియు కాల్పుల విరమణ ఒప్పందానికి లోబడే ఉందని ఇరాన్ వాదిస్తోంది. వాణిజ్య నౌకలకు సడలింపులు ఇచ్చినప్పటికీ, విదేశీ సైనిక నౌకల విషయంలో ఇరాన్ అత్యంత కఠినంగా ఉంది. హర్మూజ్ జలసంధి గుండా ఏ దేశానికి చెందిన యుద్ధ నౌకలను అనుమతించబోమని IRGC నేవీ విభాగం స్పష్టం చేసింది. దీనివల్ల అమెరికా మరియు ఇతర పాశ్చాత్య దేశాల సైనిక కదలికలకు ఆటంకం కలిగే అవకాశం ఉంది. ప్రపంచవ్యాప్తంగా సరఫరా అయ్యే చమురులో దాదాపు 20% ఈ జలసంధి గుండానే వెళుతుంది. IRGC విధిస్తున్న ఈ ‘ముందస్తు అనుమతి’ నిబంధనల వల్ల నౌకల రాకపోకల్లో జాప్యం జరిగే అవకాశం ఉంది, ఇది గ్లోబల్ ఎనర్జీ మార్కెట్‌పై ప్రభావం చూపవచ్చు.