చాలా కాలంగా ఈ షోకు హోస్ట్‌గా వ్యవహరిస్తున్న సల్మాన్ ఖాన్ స్థానంలో భారత మాజీ క్రికెట్ కెప్టెన్ సౌరవ్ గంగూలి రానున్నారనే ప్రచారం జోరుగా సాగుతోంది.

కొత్త సీజన్‌కు గంగూలిని హోస్ట్‌గా :

వివిధ మీడియా కథనాల ప్రకారం, కొత్త సీజన్‌కు గంగూలిని హోస్ట్‌గా తీసుకోవాలని నిర్వాహకులు ఆసక్తి చూపుతున్నట్లు తెలుస్తోంది. ఇందుకోసం ఆయనకు భారీ మొత్తంలో రెమ్యూనరేషన్ కూడా ఆఫర్ చేసినట్లు ప్రచారం జరుగుతోంది.

అయితే ఈ విషయంపై షో నిర్వాహకులు గానీ, గంగూలి గానీ ఇప్పటివరకు ఎలాంటి అధికారిక ప్రకటన చేయలేదు.
సౌరవ్ గంగూలి ఇప్పటికే టెలివిజన్ రంగంలో మంచి అనుభవం సంపాదించారు. బెంగాలీ క్విజ్ షో ‘దాదాగిరి’ ద్వారా ఆయన ప్రేక్షకులకు ఎంతో దగ్గరయ్యారు. తన హోస్టింగ్ శైలి, చురుకుదనం, హాస్యంతో ప్రేక్షకులను ఆకట్టుకోవడంలో గంగూలికి మంచి పేరు ఉంది. ఈ నేపథ్యంలో ఆయన బిగ్ బాస్ వంటి భారీ రియాలిటీ షోకు హోస్ట్‌గా వస్తే షోకు కొత్త ఆకర్షణ తీసుకురాగలరని అభిమానులు అభిప్రాయపడుతున్నారు.

అయితే ప్రస్తుతం సోషల్ మీడియాలో వస్తున్న రెమ్యూనరేషన్‌కు సంబంధించిన వార్తలు కూడా అధికారికంగా ధృవీకరించబడలేదు. కాబట్టి వీటిని కేవలం ప్రచారంగానే పరిగణించాలి. త్వరలోనే షో నిర్వాహకులు కొత్త సీజన్‌కు సంబంధించిన పూర్తి వివరాలను ప్రకటించే అవకాశం ఉంది. అప్పటివరకు గంగూలి హోస్ట్‌గా వస్తారా? లేదా సల్మాన్ ఖాన్‌నే కొనసాగిస్తారా? అనే అంశంపై స్పష్టత రావాల్సి ఉంది. అభిమానులు మాత్రం అధికారిక ప్రకటన కోసం ఆసక్తిగా ఎదురుచూస్తున్నారు.

మహేష్ డైరెక్టర్‌కు నందమూరి హీరో ఛాన్స్..!