Kuldeep Yadav Hat-trick Ball :టీమిండియా స్టార్ లెగ్ స్పిన్నర్, ఢిల్లీ క్యాపిటల్స్ (DC) ప్లేయర్ కుల్దీప్ యాదవ్ (Kuldeep Yadav) మైదానంలో సహనం కోల్పోయాడు.

ఈడెన్ గార్డెన్స్ వేదికగా కోల్‌కతా నైట్ రైడర్స్‌తో జరిగిన కీలక మ్యాచ్‌లో వికెట్ కీపర్ చేసిన బ్లండర్ మిస్టేక్‌పై కుల్దీప్ లైవ్‌లోనే తీవ్ర ఆగ్రహం వ్యక్తం చేశాడు. ఈ సీజన్‌లో వరుస పరాజయాలు, పేలవ ఫామ్ కారణంగా చైనామన్ స్పిన్నర్ కుల్దీప్ యాదవ్‌ను ఢిల్లీ మేనేజ్‌మెంట్ గత కొన్ని మ్యాచ్‌లుగా బెంచ్‌కే పరిమితం చేసింది. అయితే, కేకేఆర్‌తో జరిగిన చివరి లీగ్ మ్యాచ్‌లో అతనికి తుది జట్టులో ఆడే అవకాశం కల్పించగా.. లభించిన అవకాశాన్ని సద్వినియోగం చేసుకుంటూ కుల్దీప్ సంచలన బౌలింగ్‌తో ఫామ్‌లోకి వచ్చాడు.

Read Also :Ajinkya Rahane: కేకేఆర్ కెప్టెన్సీ మార్పుపై అజింక్య రహానే సంచలన వ్యాఖ్యలు!

హ్యాట్రిక్ ఛాన్స్ మిస్.. కీపర్‌పై ఫైర్

Kuldeep Yadav Angry Abhishek Pore

ఈ మ్యాచ్‌లో పాత కుల్దీప్‌ను తలపిస్తూ లైన్ అండ్ లెంగ్త్‌తో మ్యాజిక్ చేసిన అతను.. కేకేఆర్ కెప్టెన్ అజింక్య రహానే, స్టార్ ఫినిషర్ రింకు సింగ్‌లను బ్యాక్-టు-బ్యాక్ బంతుల్లో అవుట్ చేసి కోల్‌కతాను కోలుకోలేని దెబ్బతీశాడు. ఆ తర్వాత హ్యాట్రిక్ వికెట్ సాధించే సువర్ణావకాశం కుల్దీప్‌కు లభించింది. హ్యాట్రిక్ బంతికి కేకేఆర్ బ్యాటర్ తేజస్వి దుబియా (Tejaswi Dubiya) డిఫెన్స్ ఆడబోగా.. బంతి బ్యాట్ ఎడ్జ్ తీసుకుని వికెట్ కీపర్ వైపు వెళ్ళింది. అయితే, ఢిల్లీ వికెట్ కీపర్ అభిషేక్ పోరెల్ (Abhishek Porel) ఆ సులువైన క్యాచ్‌ను నేలపాలు చేశాడు.