హైదరాబాద్ (HYD) లోని ఫోరెన్సిక్ సైన్స్ ల్యాబ్ లో శనివారం అగ్నిప్రమాదం సంభవించింది. ప్రమాదంతో ల్యాబ్ నుంచి దట్టమైన పొగలు వెలువడుతున్నాయి. సమాచారం అందిన వెంటనే అగ్నిమాపక సిబ్బంది ఘటనా స్థలానికి చేరుకుని సహాయక చర్యలు చేపట్టారు.కార్యాలయంలోని ఓ విభాగంలో మొదలైన మంటలు క్షణాల్లోనే మొత్తం వ్యాపించాయి.

HYD: పేరుకు వంట మనిషి వజ్రాల కె ఎసరు పెట్టిన మోసగాడు

కేసు నమోదు

కార్యాలయం నుండి దట్టమైన పొగలు రావడాన్ని గమనించిన సిబ్బంది వెంటనే అగ్నిమాపక శాఖకు సమాచారం అందించారు. ఈ ప్రమాదానికి గల ఖచ్చితమైన కారణాలు ఇంకా తెలియాల్సి ఉన్నప్పటికీ.. ప్రాథమికంగా షార్ట్ సర్క్యూట్ వల్ల మంటలు చెలరేగి ఉండవచ్చని భావిస్తున్నారు.లోపల ఎవరైనా చిక్కుకున్నారా అనే కోణంలో కూడా తనిఖీలు చేస్తున్నారు.

ఫోరెన్సిక్ ల్యాబ్ లో, రాష్ట్రవ్యాప్తంగా ఉన్న వివిధ కేసులకు సంబంధించిన కీలక ఆధారాలు, కెమికల్స్, రిపోర్టులు ఉంటాయి. ఈ ప్రమాదం వల్ల ఏవైనా కీలకమైన రికార్డులు కాలిబూడిదయ్యాయా అనే కోణంలో అధికారులు ఆందోళన వ్యక్తం చేస్తున్నారు. పోలీసులు కేసు నమోదు చేసుకుని దర్యాప్తు ప్రారంభించారు. ఈ ఘటన పై పూర్తి వివరాలు తెలియాల్సి ఉంది.