హైదరాబాద్ (Hyderabad) నగరంలో ట్రాఫిక్ సమస్యలు రోజురోజుకు పెరుగుతున్న వేళ, మల్కాజిగిరి వాసులకు ప్రభుత్వం కీలక ఊరటనిచ్చింది. నేరేడ్‌మెట్ రైల్వే స్టేషన్ వద్ద రూ.80.47 కోట్ల వ్యయంతో రోడ్ అండర్ బ్రిడ్జ్ (RUB), లిమిటెడ్ హైట్ సబ్‌వే (LHS) నిర్మాణానికి గ్రీన్ సిగ్నల్ ఇచ్చింది.

ఈ ప్రాజెక్టులు పూర్తయితే రైల్వే క్రాసింగ్‌ల వద్ద గంటల తరబడి వేచి ఉండాల్సిన పరిస్థితి పూర్తిగా తొలగిపోతుంది. నిత్యం ట్రాఫిక్‌తో సతమతమయ్యే వేలాది ప్రయాణికులకు ఇది పెద్ద ఊరటగా మారనుంది. మల్కాజిగిరి ప్రజలు ఎన్నో ఏళ్లుగా ఎదురుచూస్తున్న సమస్యకు ఇప్పుడు శాశ్వత పరిష్కారం దక్కనుంది.

Read also: HYD: గణతంత్ర దినోత్సవం.. నేడు హైదరాబాద్‌లో ట్రాఫిక్ ఆంక్షలు

There will be no traffic in that area anymore

నేరేడ్‌మెట్, సఫిల్‌గూడలో కీలక నిర్మాణాలు

వైజాగ్ నగర్‌లోని లెవెల్ క్రాసింగ్ గేట్ నంబర్ BP-8 స్థానంలో రూ.74.47 కోట్లతో రోడ్ అండర్ బ్రిడ్జ్ నిర్మించనున్నారు. అదే విధంగా సఫిల్‌గూడ రైల్వే స్టేషన్ సమీపంలో రూ.12.81 కోట్లతో లిమిటెడ్ హైట్ సబ్‌వే నిర్మాణం చేపట్టనున్నారు. ఈ పనులకు మల్కాజిగిరి ఎంపీ ఈటల రాజేందర్, ఎమ్మెల్యే మర్రి రాజశేఖర్ రెడ్డి శంకుస్థాపన చేశారు. కేంద్ర, రాష్ట్ర ప్రభుత్వాల సహకారంతో చేపట్టిన ఈ ప్రాజెక్టులు రైల్వే క్రాసింగ్‌ల వద్ద ట్రాఫిక్ ప్రవాహాన్ని మరింత సులభతరం చేయనున్నాయి. ప్రమాదాల సంఖ్య తగ్గడంతో పాటు ప్రయాణికుల భద్రత కూడా పెరుగనుంది.

చిరకాల స్వప్నం నెరవేరు

ఈ ప్రాజెక్టులు పూర్తయితే మల్కాజిగిరి ప్రజల చిరకాల స్వప్నం నిజమవుతుంది. రైళ్ల కోసం రోడ్లపై నిలిచిపోయే పరిస్థితి లేకుండా ప్రయాణ సమయం గణనీయంగా తగ్గుతుంది. రోజూ ఉద్యోగాలు, విద్య, వ్యాపార అవసరాల కోసం ప్రయాణించే వారికి ఇది ఎంతో ఉపయోగకరంగా ఉంటుంది. రైల్వే శాఖ పూర్తి నిధులు సమకూర్చడంతో నిర్మాణ పనులు వేగంగా పూర్తయ్యే అవకాశముంది. తెలంగాణలో రైల్వే మౌలిక సదుపాయాల అభివృద్ధిలో ఇది మరో కీలక అడుగుగా నిలవనుంది. నగర ట్రాఫిక్ సమస్యలకు ఇది ఒక మోడల్ ప్రాజెక్ట్‌గా మారుతుందని అధికారులు చెబుతున్నారు.