దీనికి ఉదాహరణగా నిలిచింది నీట్ రీటెస్ట్ 2026లో ఆల్ ఇండియా 20వ ర్యాంక్ సాధించిన వైష్ణవి దాస్.

వైష్ణవి దాస్ తన విజయం వెనుక ఉన్న ముఖ్యమైన కారణాన్ని ..

వైష్ణవి దాస్ తన విజయం వెనుక ఉన్న ముఖ్యమైన కారణాన్ని వెల్లడిస్తూ, తాను 11వ తరగతిలో ఉండగానే ఇన్‌స్టాగ్రామ్‌ను డిలీట్ చేశానని తెలిపింది. "ఇన్‌స్టాగ్రామ్ వల్ల సమయం వృథా కావడం తప్ప ప్రత్యేకమైన లాభం ఏమీ లేదని గుర్తించాను. అందుకే దానిని పూర్తిగా దూరం పెట్టి చదువుపై దృష్టి పెట్టాను" అని ఆమె పేర్కొంది.

వైష్ణవి రోజుకు క్రమబద్ధంగా చదువుకునే అలవాటు ఏర్పరుచుకుంది. సోషల్ మీడియాకు కేటాయించే సమయాన్ని పాఠ్యాంశాల పునశ్చరణ, మాక్ టెస్టులు, నోట్స్ తయారీకి వినియోగించింది. ఫలితంగా ఆమె నీట్ రీటెస్ట్‌లో అద్భుతమైన ప్రతిభ కనబరిచి దేశవ్యాప్తంగా 20వ ర్యాంక్‌ను సాధించింది.

ఈ విజయంతో వైష్ణవి యువతకు ఒక స్పష్టమైన సందేశం ఇచ్చింది. లక్ష్యం పెద్దదైతే దానికి అనుగుణంగా ప్రాధాన్యతలు నిర్ణయించుకోవాలని ఆమె అభిప్రాయపడింది. అవసరం లేని డిజిటల్ వినోదాల కంటే చదువు, క్రమశిక్షణ, సమయపాలనపై దృష్టి పెడితే ఎలాంటి లక్ష్యాన్నైనా చేరుకోవచ్చని ఆమె నిరూపించింది.

వైష్ణవి దాస్ సాధించిన ర్యాంక్ కేవలం వ్యక్తిగత విజయం మాత్రమే కాదు, సోషల్ మీడియా వినియోగంపై యువత మళ్లీ ఆలోచించాల్సిన అవసరం ఉందని గుర్తుచేసే ప్రేరణాత్మక ఉదాహరణగా నిలిచింది.

గుంటూరులో మహిళపై టీడీపీ నేత దాడి ఘటనపై జగన్ ఆగ్రహం