Indiramma houses last date:ఇందిరమ్మ ఇళ్ల లబ్ధిదారులు గమనించాల్సిన అత్యంత కీలకమైన అంశం ఏమిటంటే కేటాయించిన ఇళ్లకు సంబంధించి తొలి విడత డబ్బులు చెల్లించేందుకు ప్రభుత్వం గడువు విధించింది.
క్యూర్ పరిధిలోని 16 నియోజకవర్గాల్లో ఇందిరమ్మ ఇళ్లు పథకం కింద ఎంపికైన లబ్ధిదారులు ఈ నెల 9వ తేదీలోగా మొదటి విడతగా రూ.1,00,000 చెల్లించాలని హౌసింగ్ బోర్డు స్పష్టం చేసింది. ఈ నిర్ణీత గడువులోగా చెల్లింపులు పూర్తి చేయని వారి అలాట్మెంట్ రద్దు చేయబడుతుందని అధికారులు హెచ్చరించారు. ఇప్పటికే ఈ ప్రక్రియ వేగంగా సాగుతుండగా చాలా మంది లబ్ధిదారులు తమ వాయిదాలను సకాలంలో చెల్లించడం ప్రారంభించారు. ప్రభుత్వ నిబంధనల ప్రకారం అర్హులైన ప్రతి ఒక్కరూ ఈ అవకాశాన్ని సద్వినియోగం చేసుకోవాలని అధికారులు కోరుతున్నారు. చెల్లింపుల ప్రక్రియలో ఎలాంటి పొరపాట్లు జరగకుండా ఆన్లైన్ లావాదేవీల సమయంలో తగిన జాగ్రత్తలు పాటించడం చాలా అవసరం. అధికారిక వెబ్సైట్ https://tghb.telangana.gov.in/ ద్వారా పూర్తి వివరాలు తెలుసుకోవచ్చు.
Read also: SLBC Tunnel Project: ఎస్‌ఎల్‌బీసీ సొరంగం పనుల్లో కీలక ముందడుగు
సగానికి పైగా లబ్ధిదారుల నుండి విజయవంతంగా పేమెంట్లు
హౌసింగ్ బోర్డు అందించిన తాజా సమాచారం ప్రకారం క్యూర్ పరిధిలో ఇప్పటివరకు వేలాది మంది లబ్ధిదారులకు అలాట్మెంట్ లెటర్లు జారీ చేయడం జరిగింది. క్యూర్ పరిధిలో అక్టోబర్ 4 నాటికి 5,501 మంది లబ్ధిదారులకు అలాట్మెంట్ పత్రాలు జారీ చేయగా, వారిలో 3,271 మంది ఇప్పటికే తొలి విడత రూ.లక్ష వాయిదాను విజయవంతంగా చెల్లించారు. పలు నియోజకవర్గాల్లో 60 శాతానికి పైగా పేమెంట్లు పూర్తి కావడం పట్ల బోర్డు సంతృప్తి వ్యక్తం చేసింది. దరఖాస్తుదారుల నుండి వస్తున్న సానుకూల స్పందనను దృష్టిలో ఉంచుకుని మిగిలిన అర్హులకు కూడా త్వరలోనే పత్రాలు అందజేనున్నారు. ప్రస్తుతం అధికారులు వివిధ దరఖాస్తులను పరిశీలిస్తూ పారదర్శకతతో ఈ ప్రక్రియను ముందుకు నడిపిస్తున్నారు. నెట్ బ్యాంకింగ్ అలాగే గూగుల్ పే లేదా ఫోన్ పే వంటి ప్లాట్ఫామ్స్ ద్వారా డబ్బులు చెల్లించే విధానంపై ప్రత్యేక వీడియోను కూడా విడుదల చేశారు. ఆన్లైన్ పేమెంట్ చేసే సమయంలో అకౌంట్ నంబర్లలో జీరో మరియు ఇంగ్లీష్ అక్షరం ఓ మధ్య తేడాను గమనించాలని సూచించారు.
Indiramma houses last date:తిరస్కరణకు అసలు కారణం ఇదే: మిగిలిన 35 వేల మందికి త్వరలోనే భారీ అవకాశం
అనేక మంది దరఖాస్తులు రిజెక్ట్ కావడానికి ప్రధాన కారణం తాము నివసించే నియోజకవర్గం కాకుండా వేరే ప్రాంతంలో దరఖాస్తు చేసుకోవడమే అని బోర్డు స్పష్టం చేసింది. క్షేత్రస్థాయి పరిశీలన సమయంలో ఈ వ్యత్యాసాలు స్పష్టంగా తేలడంతో అధికారులు నిబంధనల మేరకు వాటిని తిరస్కరణ చేయడం జరిగింది. అయితే రాబోయే రోజుల్లో మిగిలిన అర్హులైన సుమారు 35,000 మందికి కూడా లాటరీ పద్ధతి ద్వారా ఇళ్లు కేటాయించనున్నారు. ఈ పథకానికి సంబంధించిన అధికారిక సమాచారం కొరకు https://tghb.telangana.gov.in/ వెబ్సైట్ ను సందర్శించవచ్చు లేదా బోర్డు కాల్ సెంటర్ నంబర్ 040-24603572ను సంప్రదించవచ్చు. లబ్ధిదారుల రిజిస్టర్డ్ మొబైల్ నంబర్లకు ‘టీజీహెచ్‌బీఓ-ఎస్‌’ అనే సెండర్ ఐడీ ద్వారా మాత్రమే అధికారిక సందేశాలు పంపుతున్నట్లు వైస్ చైర్మన్ వీపీ గౌతమ్ తెలిపారు. మోసాలను నివారించడానికి లబ్ధిదారులు కేవలం అధికారిక మార్గాలను మాత్రమే అనుసరించాలని బోర్డు మరోసారి గట్టిగా విజ్ఞప్తి చేసింది.
Epaper: epaper.vaartha.com