Kavita Majhi BJP MLA: ప్రజాస్వామ్యంలో పట్టుదల ఉంటే సామాన్యులు కూడా శిఖరాగ్రానికి చేరుకోవచ్చని పశ్చిమ బెంగాల్‌కు చెందిన కవితా మాజీ నిరూపించారు.

294 స్థానాలున్న బెంగాల్ అసెంబ్లీలో బీజేపీ 206 సీట్లతో ప్రభంజనం సృష్టించగా, అందులో కవితా మాజీ విజయం దేశవ్యాప్తంగా చర్చనీయాంశమైంది.

Read Also :MLA Vijay:పెరంబూర్ నుంచే అసెంబ్లీకి విజయ్.. తిరుచ్చి ఈస్ట్ స్థానానికి రాజీనామా?

ఇంటి పనులు చేస్తూ.. రాజకీయ పోరాటం

38 ఏళ్ల కవితా మాజీ గత రెండు దశాబ్దాలుగా బర్ధమాన్ జిల్లాలోని నాలుగు ఇళ్లలో అంట్లు కడుగుతూ, ఇతర పనులు చేస్తూ కుటుంబాన్ని పోషించేవారు. నెలకు కేవలం రూ. 2,500 సంపాదించే స్థితి నుంచి నేడు ప్రజాప్రతినిధి స్థాయికి ఎదిగారు.

• రాజకీయ నేపథ్యం: దశాబ్ద కాలంగా బూత్ స్థాయి కార్యకర్తగా పనిచేస్తున్న ఆమెపై బీజేపీ నాయకత్వం నమ్మకం ఉంచింది. 2021లో స్వల్ప తేడాతో ఓడిపోయినప్పటికీ, వెనకడుగు వేయకుండా నియోజకవర్గంలో ప్రజల మధ్యే ఉన్నారు.
• భారీ విజయం: ఈ ఎన్నికల్లో తృణమూల్ కాంగ్రెస్ అభ్యర్థి శ్యామ ప్రసన్న లహోరిపై 12,535 ఓట్ల మెజారిటీతో ఘన విజయం సాధించారు. ఆమెకు లక్షకు పైగా ఓట్లు రావడం విశేషం.

సోషల్ మీడియాలో వైరల్ అయిన ఫోటో

కవితా మాజీ విజయం ఖరారైన వెంటనే, ఆమె గతంలో ఇళ్లలో పనిచేస్తున్నప్పటి పాత ఫోటో సోషల్ మీడియాలో వైరల్ అయ్యింది. బీజేపీ ఎంపీ పీసీ మోహన్ ఈ ఫోటోను షేర్ చేస్తూ.. “ఇదే బీజేపీ శక్తి. సామాన్య పౌరులు కూడా ఉన్నత స్థాయికి ఎదిగి చరిత్ర లిఖించగలరని కవితా నిరూపించారు” అంటూ కొనియాడారు.