శుక్రవారం నాడు ఓవల్ ఆఫీస్‌లో మీడియాతో మాట్లాడిన సందర్భంగా ఆయన ఈ వ్యాఖ్యలు చేయడం అంతర్జాతీయంగా తీవ్ర కలకలం రేపుతోంది.

ప్రతి కదలికపై నిఘా ఉంచామన్న అమెరికా

పికాక్స్ అణు కేంద్రంలో జరుగుతున్న ప్రతి ఒక్క కదలికను అమెరికా ఇంటెలిజెన్స్ వర్గాలు ఎంతో నిశితంగా పరిశీలిస్తున్నాయని ట్రంప్ వెల్లడించారు. పికాక్స్‌లో ఎవరెవరు సంచరిస్తున్నారు, ఇరాన్ వ్యాప్తంగా వ్యక్తుల కదలికలు ఎలా ఉన్నాయి అనే పూర్తి సమాచారం తమ వద్ద ఉందని ఆయన హెచ్చరించారు. ఒకవేళ ఇరాన్ వైపు నుంచి ఏదైనా పొరపాటు జరిగితే తీవ్రమైన మూల్యం చెల్లించుకోవాల్సి వస్తుందని హెచ్చరించారు.

ఏమిటి ఈ ‘పికాక్స్ మౌంటెన్’ ప్రత్యేకత?

ఇరాన్‌లోని నటాంజ్ యురేనియం శుద్ధి కేంద్రానికి సమీపంలో ఉన్న ఒక భారీ పర్వతాన్ని తొలిచి, ఏకంగా భూమికి 80 నుంచి 100 మీటర్ల లోతులో ఈ కేంద్రాన్ని నిర్మిస్తున్నారు. అమెరికా వద్ద ఉన్న అత్యంత శక్తిమంతమైన బంకర్-బస్టర్ బాంబులు కూడా దీనిని ధ్వంసం చేయడం కష్టమని నిపుణులు అంచనా వేస్తున్నారు. 2020 నుంచి నిర్మాణంలో ఉన్న ఈ కేంద్రంలో సెంట్రిఫ్యూజ్‌లను అసెంబుల్ చేస్తున్నట్లు ఇరాన్ గతంలో ఐఏఈఏకు తెలిపింది.

Donald Trump: కొనసాగుతున్న ఉద్రిక్తతలు మరియు ఇరాన్ వాదన

ఈ ఏడాది జులై నుంచి ట్రంప్ పదేపదే ‘పికాక్స్’ పేరును ప్రస్తావిస్తూ వస్తున్నారు. ఇది పూర్తి స్థాయి యుద్ధం కాదని, కేవలం ‘సైనిక ఘర్షణ’ మాత్రమేనని ఆయన అభివర్ణించారు. మరోవైపు, తమ పికాక్స్ కేంద్రంలో ఎలాంటి అణు కార్యకలాపాలు జరగడం లేదని ఇరాన్ ప్రభుత్వం స్పష్టం చేస్తున్నప్పటికీ, ఇరు దేశాల మధ్య ఉద్రిక్త వాతావరణం మాత్రం కొనసాగుతూనే ఉంది.

9 రోజులు సొరంగంలో చిక్కుకుని సజీవంగా బయటపడ్డ నేపాల్ కార్మికులు!