ఆగస్టు 23న నిర్వహించిన ‘జాతీయ అంతరిక్ష దినోత్సవం’ (National Space Day) సందర్భంగా దేశ ప్రజలకు, ఇస్రో శాస్త్రవేత్తలకు ఆయన హృదయపూర్వక శుభాకాంక్షలు తెలిపారు.

వికసిత భారత్ లక్ష్యంలో స్పేస్ సెక్టార్ పాత్ర కీలకం

ఈ సందర్భంగా ప్రధాని మోదీ తన ప్రసంగాలతో కూడిన ఒక ప్రత్యేక వీడియోను సోషల్ మీడియా వేదికగా పంచుకున్నారు. “అయోధ్యలో నేను ప్రస్తావించినట్లుగా ఇది సరికొత్త మార్పునకు బలమైన నాంది. ఈ నవ శకంలో, గ్లోబల్ స్పేస్ ఆర్డర్‌లో భారత్ తన ఉనికిని స్థిరంగా, వేగంగా విస్తరిస్తోంది. 2047 నాటికి ‘వికసిత భారత్’ సాధించాలన్న మన దృఢ సంకల్పంలో అంతరిక్ష రంగం అత్యంత కీలక పాత్ర పోషించనుంది” అని ప్రధాని స్పష్టం చేశారు.

జెన్-జీ యువత సరికొత్త సాంకేతిక ఆవిష్కరణలు

దేశ యువత ప్రతిభను కొనియాడుతూ.. నేడు మన జెన్-జీ (Gen-Z) ఇంజనీర్లు, డిజైనర్లు, కోడర్లు, యువ శాస్త్రవేత్తలు ప్రపంచం ఆశ్చర్యపోయే సరికొత్త టెక్నాలజీలను నిర్మిస్తున్నారని మోదీ పేర్కొన్నారు. అత్యాధునిక ప్రొపల్షన్ సిస్టమ్స్ నుంచి అధునాతన శాటిలైట్ ప్లాట్‌ఫారమ్‌ల వరకు మన యువత గతంలో ఎన్నడూ ఊహించని రంగాలలో అద్భుతంగా పనిచేస్తోందన్నారు. ఇస్రో సాధిస్తున్న వరుస విజయాలు దేశంలోని లక్షలాది మంది బాలబాలికల్లో సైంటిస్టులు కావాలనే ఆకాంక్షను, స్ఫూర్తిని రగిలిస్తున్నాయని చెప్పారు.

PM Modi National Space Day: చంద్రయాన్-3 చారిత్రక విజయం - ఇస్రో చైర్మన్ పిలుపు

2023 ఆగస్టు 23న చంద్రయాన్-3 ప్రయోగానికి చెందిన ‘విక్రమ్ ల్యాండర్’ చంద్రుడి దక్షిణ ధ్రువంపై విజయవంతంగా అడుగుపెట్టి రికార్డు సృష్టించిన సంగతి తెలిసిందే. ఆ చారిత్రక ఘట్టాన్ని పురస్కరించుకుని ఈ ఏడాది “వికసిత భారత్ దిశగా: ఆవిష్కరణ, సహకారం, ప్రపంచ అంతరిక్ష నాయకత్వం” అనే ప్రధాన థీమ్‌తో వేడుకలను ఘనంగా నిర్వహించారు. ఈ సందర్భంగా ఇస్రో చైర్మన్ డాక్టర్ వి. నారాయణన్ మాట్లాడుతూ.. దేశ అంతరిక్ష పర్యావరణ వ్యవస్థను మరింత బలోపేతం చేసేందుకు పరిశోధనలు, అంతర్జాతీయ భాగస్వామ్యాలు ఎంతో అవసరమని పిలుపునిచ్చారు

ఇస్రో ఉద్యోగాన్ని వదిలి ఫ్యాన్ బిజినెస్