ఈ విజయంతో జువెంటస్ ఛాంపియన్స్ లీగ్ స్థానానికి కేవలం ఒక్క పాయింట్ దూరంలో నిలిచింది. నాలుగో స్థానంలో ఉన్న కోమో జట్టు ఉదినేసితో జరిగిన మ్యాచ్‌ను డ్రా చేసుకోవడం జువెంటస్‌కు కలిసి వచ్చింది.

Read Also:Natasa Stankovic: హార్దిక్ పాండ్యా ఇంట్లో నటాషా.. విడాకుల తర్వాత మళ్ళీ కలిశారా? ఫోటోలు చూస్తే షాక్!

Juventus vs Genoa: బ్రెమెర్, మెక్‌కెన్నీ మెరుపులు

ట్యూరిన్ వేదికగా జరిగిన ఈ మ్యాచ్‌లో జువెంటస్ ఆరంభం నుంచే పట్టు సాధించింది.మ్యాచ్ ప్రారంభమైన 4వ నిమిషంలోనే గ్లీసన్ బ్రెమెర్ అద్భుతమైన హెడర్‌తో జువెంటస్‌కు 1-0 ఆధిక్యాన్ని అందించాడు. ఈ సీజన్‌లో బ్రెమెర్‌కు ఇది మూడవ గోల్.17వ నిమిషంలో నమ్మదగ్గ మిడ్‌ఫీల్డర్ వెస్టన్ మెక్‌కెన్నీ క్లాసిక్ స్ట్రైక్‌తో స్కోరును 2-0కు చేర్చాడు.

కీపర్ డి గ్రెగోరియో అద్భుత ప్రదర్శన

కోచ్ లూసియానో ​​స్పాలెట్టి మార్గదర్శకత్వంలో జువెంటస్ వరుసగా ఐదవ మ్యాచ్‌లోనూ ఓటమి లేకుండా దూసుకుపోతోంది. అయితే, ఈ విజయంలో గోల్ కీపర్ మిచెల్ డి గ్రెగోరియో పాత్ర మరవలేనిది. జెనోవా ఆటగాడు ఆరోన్ మార్టిన్ కొట్టిన పెనాల్టీని అడ్డుకోవడమే కాకుండా, విటిన్హా వాలీని కూడా అద్భుతంగా సేవ్ చేసి జట్టు క్లీన్ షీట్‌ను కాపాడాడు.

Juventus Serie A Win

పాయింట్ల పట్టికలో సమీకరణాలు

ఈ విజయంతో ఐదో స్థానంలో ఉన్న జువెంటస్, ఆరో స్థానంలోని రోమాపై మూడు పాయింట్ల ఆధిక్యాన్ని సంపాదించింది. ఇంటర్ మిలన్ చేతిలో రోమా 5-2తో ఓడిపోవడం జువెంటస్‌కు కలిసొచ్చింది. అలాగే, ఏడో స్థానంలోని అటలాంటా కంటే జూవ్ ప్రస్తుతం 4 పాయింట్లు ముందుంది.

ముందున్న సవాళ్లు

వచ్చే శనివారం బెర్గామోలో జువెంటస్, అటలాంటా మధ్య కీలక పోరు జరగనుంది. మరోవైపు లీగ్ టేబుల్ టాపర్స్ ఇంటర్ మిలన్, కోమోతో తలపడనుంది. బ్రెజిల్ తరఫున అంతర్జాతీయ గోల్ సాధించిన ఉత్సాహంలో ఉన్న బ్రెమెర్, ప్రపంచకప్‌కు రెండు నెలల ముందు తన ఫామ్‌ను కొనసాగించడం జువెంటస్‌కు పెద్ద ప్లస్ పాయింట్.

Read Also hindi news: hindi.vaartha.com

Epaper : epaper.vaartha.com

Read Also:

యార్కర్ కింగ్ పథిరన వచ్చేది అప్పుడేనా?