Mrigasira Karthi 2026: తెలుగు రాష్ట్రాల్లో మృగశిర కార్తె వచ్చిందంటే చాలు సరికొత్త పండుగ వాతావరణం కనిపిస్తుంది. ఎండ తీవ్రత తగ్గి, వర్షాకాలం ప్రారంభమయ్యే ఈ పర్వదినాన చేపల వంటకాలు తినడం అనేది తరతరాలుగా వస్తున్న ఒక బలమైన ఆనవాయితీ.

“మృగశిర కార్తెలో ముక్క లేనిదే ముద్ద దిగదు” అనే సామెతను నిజం చేస్తూ జూన్ 8న తెలుగు ప్రజలు చేపల వంటకాలతో పసందైన విందు ఆరగిస్తారు. అయితే ఈ ఏడాది జూన్ 8న అటు తెలంగాణ, ఇటు ఆంధ్రప్రదేశ్‌లలో మానవత్వాన్ని చాటే రెండు అద్భుతమైన కార్యక్రమాలు జరగబోతున్నాయి.

Palakollu Fish Meals Free

Read also: Thopaji Ananth Kishan Congress:కాంగ్రెస్ గెలుపే లక్ష్యం!

భాగ్యనగరంలో ఆరోగ్యం కోసం 'చేప ప్రసాదం'

దశాబ్దాలుగా వస్తున్న ఆచారం ప్రకారం, ప్రతి ఏటా మృగశిర కార్తె రోజున హైదరాబాద్‌లో 'చేప ప్రసాదం' పంపిణీ జరుగుతుంది. ఉబ్బసం (ఆస్తమా), ఇతర శ్వాసకోశ సమస్యలతో బాధపడే లక్షలాది మంది రోగులు దేశంలోని వివిధ ప్రాంతాల నుండి భాగ్యనగరానికి తరలివస్తారు. బత్తిని కుటుంబీకులు ఎంతో పవిత్రంగా, ఉచితంగా అందించే ఈ సాంప్రదాయ చేప ప్రసాదాన్ని తీసుకుంటే శ్వాసకోశ వ్యాధులు నయమవుతాయని ప్రజల నమ్మకం. ఈ ఏడాది కూడా జూన్ 8న ఈ భారీ వితరణ కార్యక్రమానికి నగరంలో ఏర్పాట్లు శరవేగంగా సాగుతున్నాయి.

Mrigasira Karthi 2026: ఏపీలో పేదల ఆకలి తీర్చే 'ఆక్వా విందు'

ఒకవైపు హైదరాబాద్‌లో ఆరోగ్య సంరక్షణ కోసం చేప ప్రసాద పంపిణీ జరుగుతుంటే, మరోవైపు ఆంధ్రప్రదేశ్‌లో సరికొత్త సేవా కార్యక్రమానికి శ్రీకారం చుట్టారు. సాధారణంగా మృగశిర కార్తె రోజున మార్కెట్‌లో చేపల ధరలు విపరీతంగా పెరిగిపోతాయి. దీనివల్ల ఆర్థిక స్తోమత లేని నిరుపేదలు చేపలను కొనుగోలు చేయలేరు. అలాంటి నిరుపేద కుటుంబాలు కూడా ఈ పండుగ రోజున తృప్తిగా చేపల కూర తినాలనే సత్సంకల్పంతో పశ్చిమ గోదావరి జిల్లాలో భారీ ‘ఆక్వా విందు’ను ప్లాన్ చేశారు.

మూడు ప్రధాన కేంద్రాల్లో ఉచిత భోజనాలు

పశ్చిమ గోదావరి జిల్లాలోని పాలకొల్లు, నరసాపురం, ఆచంట ప్రాంతాలలో జూన్ 8న ఈ ఉచిత విందు కార్యక్రమాన్ని నిర్వహించనున్నారు. పాలకొల్లులో జై భారత్ క్షీరారామ ఆక్వా రైతు సంఘం ఆధ్వర్యంలో పేదలకు నాటు చేపల పులుసు, చేపల వేపుడు (ఫ్రై)తో పాటు గోదావరి స్పెషల్ రొయ్యల ఇగురు వంటి నోరూరించే వంటకాలతో కమ్మని భోజనాన్ని వడ్డించనున్నారు.