Covid-19 : ఆరేళ్ల క్రితం ప్రపంచాన్ని వణికించిన కరోనా వైరస్ మరోసారి ఆందోళన కలిగిస్తోంది. ప్రస్తుతం ప్రపంచవ్యాప్తంగా కేసులు చాలా వరకు తగ్గిపోయినా, సింగపూర్‌లో మాత్రం కరోనా వ్యాప్తి మళ్లీ పెరుగుతోంది. ఇటీవల అక్కడ నమోదవుతున్న కేసుల సంఖ్య ప్రజలను అప్రమత్తం చేస్తోంది.Covid-19ఆరేళ్ల క్రితం ప్రపంచాన్ని వణికించిన కరోనా వైరస్ మరోసారి ఆందోళన కలిగిస్తోంది. ప్రస్తుతం ప్రపంచవ్యాప్తంగా కేసులు చాలా వరకు తగ్గిపోయినా, సింగపూర్‌లో మాత్రం కరోనా వ్యాప్తి మళ్లీ పెరుగుతోంది.

ఇటీవల అక్కడ నమోదవుతున్న కేసుల సంఖ్య ప్రజలను అప్రమత్తం చేస్తోంది.

సింగపూర్‌లో భారీగా పెరిగిన కేసులు

ఈ నెల 10 నుంచి 16 తేదీల మధ్య సింగపూర్‌లో ఏకంగా 12,700 కొత్త కరోనా కేసులు నమోదయ్యాయి. అంతకుముందు వారంతో పోలిస్తే ఇది 58.8 శాతం పెరుగుదల కావడం గమనార్హం. కరోనా కేసులు మళ్లీ వేగంగా పెరుగుతుండటంతో ప్రజల్లో ఆందోళన నెలకొంది.

ఆస్పత్రుల్లో పెరుగుతున్న బాధితులు

కేసులు పెరుగుతున్న నేపథ్యంలో ఆస్పత్రుల్లో చేరుతున్న వారి సంఖ్య కూడా క్రమంగా పెరుగుతోంది. గతంలో రోజుకు సగటున 56 మంది ఆస్పత్రుల్లో చేరగా, ప్రస్తుతం ఆ సంఖ్య 73కు చేరింది. అయితే ఇప్పటివరకు ఎలాంటి ప్రాణనష్టం నమోదు కాకపోవడం కొంత ఊరటనిచ్చే అంశంగా అధికారులు చెబుతున్నారు.

Read Also: అమెరికా ఆంక్షలతో సంబంధం లేదు..రష్యా చమురు కొనుగోళ్లపై భారత్ స్పష్టత

కొత్త వేరియంట్‌పై అప్రమత్తం

ప్రస్తుతం అక్కడ వ్యాప్తి చెందుతున్న కరోనా వేరియంట్ 'NB.1.8.1' అని వైద్య అధికారులు తెలిపారు. ఈ వేరియంట్‌పై ప్రస్తుతం అందుబాటులో ఉన్న వ్యాక్సిన్లు సమర్థంగా పనిచేస్తున్నాయని నిపుణులు పేర్కొన్నారు. ప్రజలు అప్రమత్తంగా ఉండాలని, అవసరమైన జాగ్రత్తలు తీసుకోవాలని సింగపూర్ ఆరోగ్య శాఖ సూచిస్తోంది.