Indane XtraLite Now: ఎల్పీజీ గ్యాస్ వినియోగదారులకు ఇండియన్ ఆయిల్ కార్పొరేషన్ లిమిటెడ్ (IOCL) తీపి కబురు అందించింది. 'ఇండేన్ ఎక్స్ట్రాలైట్ నౌ' పేరుతో సరికొత్త సేవలను అందుబాటులోకి తీసుకొచ్చింది.
ఈ పథకం ద్వారా తేలికైన 10 కిలోల కాంపోజిట్ గ్యాస్ సిలిండర్తో పాటు, బుక్ చేసిన కేవలం 4 గంటల్లోనే ఇంటికి డెలివరీ చేసే వేగవంతమైన సేవను ప్రారంభించింది.
Read Also: Danush Political Entry : పొలిటికల్ ఎంట్రీపై ధనుష్ సంచలన వ్యాఖ్యలు!
Gas cylinder delivered within 4 hours of booking!
Indane XtraLite Now: తేలికైన కాంపోజిట్ సిలిండర్.. మీ సమయానికి డెలివరీ
సంప్రదాయ ఉక్కు (స్టీల్) సిలిండర్లతో పోలిస్తే ఈ కొత్త 10 కిలోల కాంపోజిట్ సిలిండర్ చాలా తేలికగా ఉంటుంది. దీని వల్ల సిలిండర్ను మోయడం, తరలించడం మరియు ఉపయోగించడం ఎంతో సులభమవుతుందని ఇండియన్ ఆయిల్ తెలిపింది. గృహ అవసరాలతో పాటు చిన్న వ్యాపారాలకు ఇది ఎంతగానో అనుకూలిస్తుంది.
ఈ కొత్త సేవ ద్వారా వినియోగదారులకు అనేక సౌకర్యాలు లభించనున్నాయి. వినియోగదారులు తమకు అనుకూలమైన డెలివరీ సమయాన్ని (Time Slot) ఎంచుకునే అవకాశం ఉంటుంది. అలాగే, ఆన్లైన్ లేదా మొబైల్ యాప్ ద్వారా చాలా సులభంగా, పారదర్శకంగా డిజిటల్ బుకింగ్ చేసుకోవచ్చు.
ఎంపిక చేసిన నగరాల్లో ప్రారంభం
ప్రస్తుతం ఈ 4 గంటల డెలివరీ సేవను పైలట్ ప్రాజెక్ట్గా నాలుగు ప్రధాన నగరాల్లో ప్రారంభించారు. ఈ సేవను పుణే, గురుగ్రామ్, ఇండోర్, కోయంబత్తూరు నగరాల్లో అందుబాటులోకి తీసుకొచ్చారు. వినియోగదారుల స్పందనను బట్టి త్వరలోనే దేశంలోని మరిన్ని నగరాలకు మరియు తెలుగు రాష్ట్రాలకు ఈ సేవను విస్తరిస్తామని ఇండియన్ ఆయిల్ వెల్లడించింది. అంతేకాకుండా, చిన్న కుటుంబాలు, విద్యార్థులు మరియు చిరు వ్యాపారులు ఎక్కువగా వాడే 5 కిలోల ఇండేన్ ‘ఛోటూ’ సిలిండర్కి కూడా ఈ 4 గంటల వేగవంతమైన డెలివరీ సదుపాయాన్ని విస్తరించినట్లు కంపెనీ స్పష్టం చేసింది.
Epaper: epaper.vaartha.com