ఈ నేపథ్యంలో కేంద్ర కేబినెట్ మంత్రుల పనితీరుపై నిర్వహించిన సోషల్ మీడియా (SM Ministers Rankings) పనితీరు మదింపులో ప్రధానమంత్రి నరేంద్ర మోదీ అగ్రస్థానంలో నిలిచారు.

డిజిటల్ పనితీరు :

ఇటీవల జరిగిన కేంద్ర మంత్రివర్గ సమావేశంలో మంత్రుల సోషల్ మీడియా పనితీరుకు సంబంధించిన సమగ్ర నివేదికను సమీక్షించారు. ప్రముఖ ప్లాట్‌ఫారమ్‌లైన ఇన్‌స్టాగ్రామ్, ఎక్స్ (ట్విట్టర్), ఫేస్‌బుక్‌లలో మంత్రుల యాక్టివిటీ, రోజువారీ పోస్టులు, ఎంగేజ్మెంట్ రేట్లు, ఫాలోవర్ల వృద్ధి రేటు వంటి పలు కీలక అంశాల ఆధారంగా ఈ ర్యాంకులను కేటాయించారు.

ఈ మదింపులో ప్రధాని నరేంద్ర మోదీ అన్ని విభాగాల్లోనూ అగ్రగామిగా నిలిచి తన ప్రజాదరణను మరోసారి నిరూపించుకున్నారు. ప్రపంచవ్యాప్తంగా అత్యధిక మంది ఫాలోవర్లు ఉన్న అగ్రనేతల్లో మోదీ ముందువరుసలో ఉన్నారు. ఈ సమావేశంలో భాగంగా ప్రధాని మోదీ మంత్రులకు పలు కీలక సూచనలు చేశారు. ముఖ్యంగా నేటి యువత (Gen-Z) ఎక్కువగా ఇన్‌స్టాగ్రామ్ వంటి దృశ్య మాధ్యమాలను వాడుతున్నందున, వారితో నేరుగా కనెక్ట్ కావాలని ఆయన పిలుపునిచ్చారు.

కేవలం సాంప్రదాయ పోస్టులే కాకుండా ఇన్‌స్టాగ్రామ్ రీల్స్, షార్ట్ వీడియోలు, ఇంటరాక్టివ్ సెషన్లను విస్తృతంగా ఉపయోగించాలని సూచించారు. ప్రభుత్వ సంక్షేమ పథకాలను యువతకు అర్థమయ్యే రీతిలో సరికొత్త డిజిటల్ ఫార్మాట్లలో చేరవేయాలని ఆయన ఆదేశించారు. ప్రభుత్వానికి, ప్రజలకు మధ్య ఉన్న దూరాన్ని తగ్గించడంలో సోషల్ మీడియా కీలక పాత్ర పోషిస్తున్నందున, ప్రతి మంత్రి డిజిటల్ వేదికలపై మరింత చురుగ్గా వ్యవహరించాలని ఈ రివ్యూ ద్వారా స్పష్టం చేశారు.

రజనీకి విలన్ గా రామ్ పోతినేని..?